پنجاب کے میدانی علاقوں میں دن بھر چلنے والی ٹھنڈی ہواﺅں نے خنکی میں اضافہ کردیا
ملک بھر میں پیر کے روز شروع ہونے والا بارش اور برفباری کا سلسلہ منگل کو بھی جاری رہا،، کہیں ہلکی تو کسی جگہ پر گرج چمک کے ساتھ بارش نے سردی کو واپس بلالیا،، ملکہ کوہسار مری میں برفباری ہوئی تو سیاحوں کے چہرے کھل اٹھے،، پہاڑی علاقوں میں برف نے گرمی کی آس میں بیٹھے لوگوں کی امیدوںکو سفید چادر تلے ڈھانپ لیا۔محکمہ موسمیات کا کہنا ہے کہ گزشتہ چوبیس گھنٹوں کے دوران بالائی پنجاب، اسلام آباد اور کشمیر میں کہیں کہیں جبکہ گلگت بلتستان میں چند مقامات پر تیز ہواﺅں اور گرج چمک کے ساتھ بارش ہوئی،، سب سے زیادہ بارش مالم جبہ میں سینتالیس ملی میٹر ریکارڈ کی گئی جبکہ اسلام آباد میں تریپن ملی میٹر تک بارش برسی،، آئندہ چوبیس گھنٹوں کے دوران ملک کے بیشتر علاقوں میں موسم سرد اور خشک رہے گا جبکہ پہاڑوں پر برفباری کا امکان ہے