تھائی لینڈ حکومت نے چائنا ریل منصوبے کیلئے 5.2 ارب ڈالر کی منظوری دے دی۔

تھائی لینڈ حکومت نے چائنا ریل منصوبے کیلئے 5.2 ارب ڈالر کی منظوری دے دی۔

تھائی لینڈ کی حکومت نے چین تک ریل منصوبے کی تکمیل کیلئے 5.2 ارب ڈالر کی منظوری دے دی۔یہ منصوبہ کئی سالوں سے تعطل کا شکار ہے۔وزیراعظم ہاﺅس کے افسر کوبسک پتراکول نے صحافیوں کو بتایا کہ اس ریل منصوبے کے تحت تھائی لینڈ کو چین کے جنوبی شہر کمنگ کے ساتھ ملایا جائے گا۔یہ منصوبہ چین کے اس وسیع تر ریل انفراسٹرکچر منصوبے کا حصہ ہے جس کے ذریعے وہ علاقے بھر بالخصوص لاﺅس، تھائی لینڈ، ملائیشیاءاور سنگاپور کے ساتھ تیز رفتار ریل کا نیٹ ورک قائم کرنا چاہتا ہے۔اس 4 سالہ منصوبے کے تحت پہلے مرحلے میں تھائی لینڈ کے دارالحکومت بنکاک سے شمال مشرقی صوبے ناخون راچاسیما تک 250 کلومیٹر طویل تیز رفتار ریلوے ٹریک بچھایا جائے گا۔یاد رہے کہ لاﺅس میں اس منصوبے پر تعمیراتی کام کا آغاز ہوچکا ہے تاہم تھائی لینڈ میں اس کی فنڈنگ مسائل، قرضے کی شرائط، لیبر قوانین اور دیگر رکاوٹوں کے باعث یہ کئی سالوں سے التواءکا شکا ر ہے۔

Most Popular