ملک کے مختلف شہروں میں مرغی کا گوشت300روپےکلو سے زائد پر فروخت ہونے لگا۔

ملک کے مختلف شہروں میں مرغی کا گوشت300روپےکلو سے زائد پر فروخت ہونے لگا۔

ملک کے مختلف شہروں میں زندہ مرغی اور اسکے گوشت کی قیمتوں میں اضافے کا سلسلہ جاری ہے ۔ کراچی اور اسلام آبادمیں ایک بار پھر زندہ مرغی کی قیمت میں 6اور گوشت کی فی کلو قیمت میں 9روپے کا اضافہ کر دیا گیا ہے، اس طرح گزشتہ 20دنوں میں مرغی کے گوشت کی قیمت 77روپے فی کلو تک بڑھ چکی ہے ۔کراچی کیلئے زندہ مرغی کی سرکاری قیمت 178روپے فی کلو سے بڑھا کر 184روپے فی کلو اور مرغی کے گوشت کی سرکاری قیمت 276روپے کلو سے بڑھا کر 285روپے کلو کر دی گئی ، گزشتہ 3 ہفتے میں تیزی کیساتھ مرغی کے گوشت کی قیمت میں اضافہ کیا گیا جبکہ حیرت انگیز امر یہ ہے کہ جب بھی سرکاری قیمت میں اضا فہ ہوا۔شہر میں اس قیمت پر کبھی گوشت فروخت نہیں ہوا بلکہ سرکاری نرخ سے زائد قیمت پر مرغی کا گوشت فروخت ہوتا رہا ۔مارکیٹ ذرائع کا کہنا ہے کہ اس وقت بھی مرغی کا گوشت 300 روپ فی کلو سے زائد قیمت پر فروخت کیا جا رہا ہے جس کی وجہ سے مرغی کا گوشت ایک عام آدمی کی پہنچ سے دو رہو چکا ہے ۔ دوسری جانب سندھ کے ضلع سجاول جہاں سیکڑوں مرغی فارم قائم ہیں میں چند روز قبل پراسرا ر بیماری سے مرغیوں کی اموات کے بعد وہاں بھی زندھ مرغی اور اسکے گوشت کی قیمت بڑھ گئی ہے ۔بتایا جاتا ہے کہ سجاول کے سیکڑوں مرغی فارمز سے اب بھی یومیہ ہزاروں کی تعداد میں مرغیاں کراچی کوسپلائی کی جارہی ہے تاہم کراچی میں منافع خوری کے باعث قیمتوں میں اضافے کا رجحان ہے اور قیمتوں پر انتظامی کنٹرول نہ ہونے سے مرغی فروش بے لگام ہو گئے ہیں۔اسلام آباد میں بھی کئی روز زندہ مرغی اور گوشت کی قیمتوں میں اضافہ ہوا ہے۔

Most Popular