WAQT NEWS

ہالی ووڈ ایکشن فلم فاسٹ اینڈ فیوریس سکس نے ریلیز کے ساتھ ہی برطانیہ کے سینماگھروں میں تہلکہ مچادیا، فلم نے پہلے ہی روز چھیالیس لاکھ ڈالر سمیٹ لیئے.

TestUser — Sun, 19 May 2013 17:36:43 +0000

ہالی ووڈ ایکشن سیریز کی نئی فلم فاسٹ اینڈ فیوریس سکس نے برطانیہ کے سینماگھروں میں ریلیز کے پہلے ہی روز دھوم مچادی ۔۔ فلم کے کرداروں نے ایکشنز سے شائقین کو اپنے سحر میں جکڑلیا ہے،
فاسٹ اینڈ فیوریس سکس نے برطانیہ میں ریلیز کے پہلے ہی روز چھیالیس لاکھ ڈالر کا بزنس کرتے ہوئے اسی فرنچائز کی چوتھی فلم کا دوہزار نو میں بننے والا چھتیس لاکھ ڈالر کا ریکارڈ توڑ ڈالا، فاسٹ اینڈ فیوریس سکس، آئرن مین تھری کا پہلے روز کا ریکارڈ توڑنے میں صرف ایک لاکھ ڈالرفرق سے پیچھے رہی تاہم فہرست میں دوسرے نمبر پرجگہ بنانے میں کامیاب ہوئی

سندھ سے خواتین ونگ کی مرکزی رہنما زہرہ شاہد کی قربانی رائیگاں نہیں جانے دیں گے،خوف وہراس پھیلا کر کراچی کو کنٹرول کرنے کی کوشش کی جارہی ہے، کارکن ظلم کیخلاف ڈٹ جائیں.عمران خان

TestUser — Sun, 19 May 2013 17:30:04 +0000

لاہور سے تحریک انصاف کے کارکنوں کے نام اپنے ویڈیو پیغام میں عمران خان کا کہنا تھا کہ خوف و ہراس پھیلا کرکراچی کوکنٹرول کرنےکی کوشش کی جا رہی ہے۔ انہوں نے کہا کہ کارکن ظلم کے خلاف ڈٹ جائیں. تحریک انصاف کےچیئرمین کا کہنا تھا کہ زہرہ شاہد حسین کا قتل رائیگاں نہیں جائے گا۔ انہوں نے تحریک انصاف سندھ خواتین ونگ کی مرکزی رہنما کے قتل پر گہرے دکھ اور افسوس کا اظہار کرتے ہوئے کہا کہ بدقسمتی سے وہ احتجاج کرنے والوں میں شامل نہیں ہیں لیکن انہیں اس واقعہ سے انہیں صدمہ پہنچا ہے. عمران خان کا کہنا تھا کہ وہ دوبارہ الیکشن کرانےکی بات نہیں کرتے، نظام کو چلتے رہنا چاہیے۔۔انہوں نے ہاتھ جوڑتے ہوئے چیف جسٹس آف پاکستان اور چیف الیکشن کمیشن سے مطالبہ کیا کہ لوگوں کو انصاف نہ ملا تو آئندہ کوئی ووٹ نہیں ڈالے گا.

مشکل حالات کے باوجود خیبرپختونخوا میں ماڈل اورمثالی حکومت بنائیں گے.مخدوم جاوید ہاشمی

TestUser — Sat, 18 May 2013 16:45:41 +0000

ملتان ڈسٹرکٹ بارمیں وکلا سے خطاب کرتے ہوئے مخدوم جاوید ہاشمی کا کہنا تھا کہ تحریک انصاف کرپشن کیخلاف جنگ لڑے گی،الیکشن کمیشن نے سیاست دانوں کا احتساب نہیں کیا۔ احتساب کیلئے عدالت قائم کی جائے جس پر کرپشن ثابت ہو اس کی نہ صرف رکنیت ختم کی جائے بلکہ اسے سزا بھی دی جائے جاوید ہاشمی نے مزید کہا کہ مشکل حالات کے باوجود خیبرپختونخوا میں ماڈل اور مثالی حکومت بنائیں گے جبکہ صوبے میں نوے دن کے اندر بلدیاتی انتخابات بھی کرائے جائیں گے۔

ترکی میں بم دھماکوں کیخلاف احتجاج کے دوران پولیس اور مشتعل مظاہرین میں جھڑپیں شدت اختیار کرگئیں.

TestUser — Sat, 18 May 2013 16:30:06 +0000

ترکی کے سرحدی علاقے ریحانلی میں بم دھماکوں اور اس کے نتیجے میں ہونیوالی ہلاکتوں کیخلاف مظاہرین نے احتجاجی ریلی نکالی تاہم اس دوران سیکیورٹی اہلکاروں نے ریلی کو روکنے کی کوشش کی جس پر مظاہرین مشتعل ہوگئے حالات مزید خراب ہونے پر سیکیورٹی اہلکاروں نے واٹر کینن کے ذریعے مظاہرین کو منتشر کرنے کی کوشش کی اور آنسو گیس کا بھی استعمال کیا ترکی کے علاقے ریحانلی میں دوکار بم دھماکوں میں چالیس سے زائد افراد ہلاک ہوگئے تھے.

بھارت کی عزت خاک میں ملانے والے کرکٹرز پر گرفت سخت کرکے بھارتی پولیس ملک کی عزت بچانے کی کوششوں میں لگی ہوئی ہے.

TestUser — Sat, 18 May 2013 16:23:34 +0000

ممبئی پولیس نے آئی پی ایل سپاٹ فکسنگ سکینڈل کا دائرہ کار مزید بڑھا دیا ہے، ممبئی پولیس کے تحقیقاتی آفیسرہمانشو رائے نے ممبئی میں پریس کانفرنس کے دوران بتایا کہ انہیں گذشتہ روز اطلاع موصول ہوئیں تھی کہ سری سانت اور بکی جیجو نے ہوٹل میں کمرے لئے ہوئے ہیں جس پر چھاپہ مار کر سری سانت کا لیپ ٹاپ، آئی فون، ڈیٹاکارڈ، ڈائری اور نقدی قبضے میں لے لی گئی ہے جبکہ آئی فون اور لیپ ٹاپ کے ڈیٹا سے مزید معلومات حاصل کرنیکی کوشش کی جارہی ہے جس سےتفتیش کو آگے بڑھانے میں مدد ملے گی تحقیقاتی افسر کے مطابق آئی پی ایل سپاٹ فکسنگ میں ملوث ایک اور بکی رامیش ویاس کو بھی گرفتار کرلیا گیا ہے اور اس کے قبضے سے بانوے موبائیل فون اور اٹھارہ سمیں بھی برآمدکرلی ہیں گرفتار بکی نے دبئی اور پاکستان میں بھی کالز کی ہیں جس پر تفتیش کی جارہی ہے پولیس کے مطابق ہوٹل کی سی سی ٹی وی فوٹیج حاصل کرنیکی بھی کوشش کی جارہی ہے تاکہ معلوم کیا جاسکے کہ سری سانتھ سے کون لوگ ملتے رہے.

ہالی ووڈ سائنس فکشن فلم “یورپا رپورٹ” کا نیا ٹریلر جاری کردیا گیا.

TestUser — Sat, 18 May 2013 16:18:31 +0000

یورپا رپورٹ کے ڈائریکٹر ڈیوڈ سمپسن ہیں فلم میں چھ خلا بازوں کو دکھایا گیا ہے جو مشتری کے چاند پرپانی اور زندگی کی موجودگی کو ثابت کرنے جاتے ہیں نئے ٹریلر میں خلا باز یورپاچاند کی سطح کے نیچے ایک بڑاسمندر دریافت کرنے میں کامیاب ہوجاتے ہیں تاہم ان کی ساری خوشی اس وقت خوف میں بدل جاتی ہے جب ان کا خلائی جہاز اچانک تباہ ہونا شروع ہوجاتا ہےتجسس سے بھرپور فلم یورپا رپورٹ رواںسال دوآگست کوامریکی سنیما گھروں میں پیش کی جائے گی.

ججزنظربندی کیس میں عدالت نے سابق صدرپرویزمشرف کے جوڈیشل ریمانڈ میں یکم جون تک توسیع کردی.

TestUser — Sat, 18 May 2013 16:13:33 +0000

جنرل ریٹائرڈ پرویزمشرف کے خلاف ججزنظربندی کیس میں درخواست ضمانت کی سماعت انسداد دہشت گردی کی عدالت میں ہوئی کورٹ کے سابق پراسیکیوٹرسید طیب کی معذرت کے بعد حکومت کی جانب سے نئے مقررکردہ پبلک پراسیکیوٹرعامرندیم تابش عدالت میں پیش ہوئے جبکہ سابق صدر کی جانب سے الیاس صدیقی ایڈووکیٹ حاضرہوئے پبلک پراسیکیوٹرعامرندیم تابش نے درخواست کی کہ انہیں آج ہی تعیناتی کا نوٹیفکیشن موصول ہوا ہے لہذاٰ عدالت انہیں کیس کی تیاری کا موقع فراہم کرے،جس پرکیس کی سماعت بائیس مئی تک ملتوی کردی گئی، بعدازاں پراسیکیوٹرعامرندیم تابش نے میڈیا سے گفتگوکرتے ہوئے کہا کہ کیس کے مدعی اسلم گھمن کا کیس سے دستبرداری کا بیان ابھی تک میڈیا پرہی آیا ہے جب وہ عدالت میں پیش ہوکربیان دیں گے تو پھردیکھا جائے گا،زندگی اورموت اللہ کے ہاتھ میں ہے۔

نگران وزیراعلیٰ پنجاب نجم سیٹھی سے برطانوی ہائی کمشنرایڈم تھامسن نے ملاقات کی اورباہمی دلچسپی کے اموراوردوطرفہ تعلقات پرتبادلہ خیال کیاگیا.

TestUser — Sat, 18 May 2013 16:08:31 +0000

لاہورمیں ہونے والی ملاقات میں وزیراعلیٰ پنجاب اور برطانوی سفیر کے درمیان برطانوی ادارے ڈیفڈ کے تعاون سے جاری منصوبوں پربھی بات چیت کی گئی نگران وزیراعلی پنجاب نجم سیٹھی کاکہنا تھاکہ برطانیہ پاکستان کااہم تجارتی پارٹنرہےاورتعلیم صحت اوردیگرشعبوں کی بہتری میں برطانیہ کا کردارقابل تحسیبن ہےنگران وزیراعلیٰ نے برطانوی ادارے ڈیفڈ کارکردگی کوسراہتے ہوئے کہا کہ پنجاب میں ڈیفڈ کے اشتراک سے جاری منصوبے کامیابی سے جاری ہیں برطانوی ہائی کمشنرایڈم تھامسن کا کہنا تھا کہ برطانیہ پاکستان کے ساتھ تعلقات کو بڑی اہمیت دیتا ہے اورپاکستان میں جمہوریت کے استحکام کا خواہاں ہےانہوں نےپاکستان کی تعمیروترقی میں برطانیہ کی جانب سے تعاون کےعزم کا اعادہ کیا.

شیرازی برادران نے بھی مسلم لیگ ن میں شمولیت کا اعلان کرددیا.

TestUser — Sat, 18 May 2013 16:02:45 +0000

لاہورماڈل ٹاؤن میں ہونے والی ملاقات میں شیرازی برادران نے میاں شہبازشریف سے ملاقات کی جس میں باہمی دلچسپی کے امور پر تبادلہ خیال کیا گیا ملاقات کے بعد میڈیا سے گفتگو کرتے ہوئے شیرازی برادران نے مسلم لیگ نون میں شمولیت کا اعلان کیا ایازشیرازی کا کہنا تھا کہ صرف میاں نواز شریف کی تجربہ کار قیادت ہی ملک کو بحرانوں سے نکال سکتی ہے انہوں نےکہاکہ سندھ میں پیپلزپارٹی نے دھاندلی کی انتہا کردی اور انتخابات کے موقع پر سندھ کو میدان جنگ بنا دیا تھا.

الیکشن کمیشن نے پنجاب میں اقلیتی اورخواتین کی مخصوص نشستوں پرکامیاب امیدواروں کوانتخابی اخراجات کی تفصیلات جمع کرانے کی ہدایت کی ہے.

TestUser — Sat, 18 May 2013 15:57:30 +0000

الیکشن کمیشن کے مطابق اقلیتی اورخواتین امیدواروں کوہدایت کی گئی ہے کہ وہ بیس مئی تک صوبائی الیکشن کمیشن کوانتخابی اخراجات کی تفصیلات جمع کرائیں عام انتخابات میں جنرل نشستوں پرکامیاب امیدواروں کوانتخابی اخراجات کی تفصیلات متعلقہ ریٹرننگ افسروں کے پاس جمع کرانی کی ہدایت کی گئی ہےالیکشن کمیشن کے مطابق انتخابی اخراجات کی تفصیلات جمع نہ کرانے والے کامیاب امیدوارکا نام گزٹ نوٹیفیکیشن میں شامل نہیں کیا جائے گا.