سپریم کورٹ نے ڈی جی نیب لاہور کی جعلی ڈگری معاملے پر چیئرمین نیب سے جواب طلب کرلیا۔

سپریم کورٹ نے ڈی جی نیب لاہور کی جعلی ڈگری  معاملے پر چیئرمین نیب سے جواب طلب کرلیا۔

سپریم کورٹ نے ڈی جی نیب لاہور میجر(ر)سلیم شہزاد کی جعلی ڈگری کے معاملے پر چیئرمین نیب سے جواب طلب کرلیا ہے۔جمعرات کوسپریم کورٹ میں نیب میں غیر قانونی بھرتیوں سے متعلق ازخود نوٹس کی سماعت ہوئی۔ درخواست گزار نے ڈی جی نیب کی تعیناتی سے متعلق انکشاف کرتے ہوئے موقف پیش کیا کہ سلیم شہزاد کی ڈگری کیلبری فونٹ میں لکھی گئی ہے جب کہ کیلبری 2007 میں آیا اور ڈگری 2002 کی ہے۔نیب پراسیکیوٹر نے تعیناتی سے متعلق قائم کمیٹی کی رپورٹ پیش کرتے ہوئے بیان دیا کہ گریڈ 18 تک 52 افسران کی تعیناتیوں کا جائزہ لیا جا چکا ہے جبکہ مزید 40 افسران کی تعیناتیوں کا جائزہ لینا باقی ہے، سیکرٹری اسٹبلشمنٹ طاہر شہباز کی تبدیلی سے کام رکا ہوا ہے۔عدالت نے تعیناتیوں کاجائزہ لینے کے لئے قائم کمیٹی کو 2 ماہ میں کام مکمل کرنے کی ہدایت جاری کردی جبکہ ڈی نیب لاہور میجر(ر)سلیم شہزاد کو نوٹس جاری کردیا جبکہ جعلی ڈگری کے معاملے پر چیئرمین نیب سے جواب طلب کرتے ہوئے کیس کی سماعت ملتوی کردی۔

Most Popular