جہلم: وفاقی وزیر سائنس و ٹیکنالوجی فواد چوہدری نے کہا ہے کہ نوازشریف کی واپسی کی امیداہل خانہ کونہیں توعوام کوکیاہوگی جب کہ پنجاب میں سیاسی وانتظامی اکھاڑپچھاڑضروری تھی۔ تفصیلات کے مطابق جہلم میں میڈیا سے بات کرتے ہوئے فواد چوہدری کا کہنا تھا کہ آرمی چیف کی مدت کامعاملہ حساس تھا جوخوش اسلوبی سےحل ہوگیا، تقرری پرکسی جماعت کواعتراض نہیں جوخوش آئنداقدام ہے،عدالتی فیصلےپرقانون سازی آئندہ6ماہ تک کرلی جائےگی۔ انہوں نے کہا کہ پرویز مشرف نےنوازشریف سےجان چھڑائی ہم قدرکرتےہیں، مشرف پرغداری کامقدمہ آرٹیکل4کےخلاف ہے، غداری کامقدمہ ان افرادپربھی چلایاجائےجوان کےساتھ تھے، پرویزمشرف ہمارےاورتحصیل پنڈدادن خان کےمحسن ہیں۔ وفاقی وزیر نے بتایا کہ پاکستان میں قیمتی جڑی بوٹیوں کاخزانہ موجودہے حکومت طب یونانی اور جڑی بوٹیوں کےفروغ کیلئےاقدامات کررہی ہے۔ ان کا مزید کہنا تھا کہ جہلم میں دنیاکاجدیدترین سائنس اینڈٹیکنالوجی پارک بنارہےہیں اور پنڈدادن خان میں وزیراعظم عمران خان 13 دسمبرجلسہ کریں گے۔