ایڈ لیڈ: دومیچوں پر مشتمل ٹیسٹ سیریز کے دوسرے میچ میں بھی قومی ٹیم کے بلے بازوں کی ناقص کارکردگی کا سلسلہ جاری ہے جبکہ اظہر علی الیون پر فالو آن ہونے کا خطرہ منڈلا رہا ہے۔ ایڈ لیڈ کے میدان میں کھیلے جانے والے میچ کے تیسرے دن قومی ٹیم نے 6 وکٹوں کے نقصان پر 96 رنز کے ساتھ اننگز کا آغاز کیا جو اچھا ثابت ہوا۔ بابر اعظم نے اپنی نصف سینچری مکمل کی اور یاسر شاہ نے بھی ان کا خوب ساتھ دیا۔ بابر 74 اور یاسر 33 رنز کے ساتھ کریز پر موجود ہیں۔ واضح رہے آسٹریلیا نے اپنی پہلی اننگز ڈیوڈ وارنر کی شاندار ٹرپل سینچری کی بدولت 589 رنز تین کھلاڑی آؤٹ پر ڈکلیئر کر دی تھی جس کے جواب میں پاکستان نے دوسرے روز کا کھیل ختم ہونے تک 6 وکٹوں کے نقصان پر 96 رنز بنا لیے ہیں۔ قومی ٹیم کی جانب سے اننگز کا آغاز شان مسعود اور امام الحق نے کیا لیکن محض 3 کے مجموعی اسکور پر امام الحق 2 رنز بنا کر وکٹ گنوا بیٹھے جبکہ کپتان اظہر علی کی ناقص فارم کا سلسلہ جاری رہا اور وہبھی صرف 9 رنز کے مہمان ثابت ہوئے۔