ایل پی جی کی قیمت میں فی کلو 6 روپے کا اضافہ
اوگرا نے ایل پی جی کی قیمت میں فی کلو 6 روپے اضافہ کردیا ہے جس کے بعد گھریلو سلنڈر کی قیمت میں 66 روپے اور کمرشل سلنڈر میں 250 روپے کااضافہ ہوگیا ہے۔بین الاقوامی مارکیٹ میں ایل پی جی کی قیمتوں میں 6500 روپے فی ٹن اضافہ اور 430 ڈالر سے بڑھ کر 460 ڈالر فی ٹن ہوگیا جس کے بعد اوگرا نے بین الاقوامی قیمت کو مد نظر رکھتے ہوئے ایل پی جی کی قیمتوں میں اضافہ کر دیا ہے اور اس کا باضابطہ نوٹیفکیشن بھی جاری کردیا گیا ہے۔اوگرا نے ماہ فروری کیلئے ایل پی جی کی قیمتوں میں5 روپے 58 پیسے فی کلو اضافہ کیا ہے اور اب ایل پی جی 115.3کی بجائے 120.8 روپے فی کلو دستیاب ہو گی۔ گھریلو سلنڈر کی قیمت میں 66 روپے اور کمرشل سلنڈر کی قیمت میں 250 روپے اضافہ کر دیا ۔اب گھریلو سلنڈر 1361کی بجائے 1428 روپے اور کمرشل سلنڈر 5240 کی بجائے 5493 روپے میں دستیاب ہوگا۔نوٹی فکیشن کے مطابق ایل پی جی کی پیداواری قیمت میں 4776 روپے فی میٹرک ٹن اضافہ کر دیا گیا ہے، گزشتہ ماہ ایل پی جی کی پیداواری قیمت 58 ہزار 962 روپے تھی جو اب نئی قیمت کے ساتھ 63 ہزار 728 روپے ہوگئی ہے