عمران خان عوامی طاقت کے ساتھ میدان میں کھڑا ہے،فردوس عاشق
معاون خصوصی برائے اطلاعات فردوس عاشق اعوان نے کہا ہے کہ اکتیس جنوری کا سورج کرپٹ پی ڈی ایم،جعلی راجکماری کے ارمانوں کو ملیا میٹ کرتے ہوئے ڈوب گیا۔ کپتان عوامی طاقت کے ساتھ کرپشن کے دیوتاؤں کےخلاف ڈٹ کر میدان میں کھڑا ہے۔ سماجی رابطے کی ویب سائٹ ٹوئٹر پر اپنے بیان میں فردوس عاشق اعوان نے کہا کہ آر یا پار،استعفوں کی کھوکھلی دھمکی اور ناکام جلسیاں کرنے والوں نے اکتیس جنوری کا سورج غروب ہوتے بھی دیکھ لیا۔ وزیراعظم عمران خان عوامی طاقت کے ساتھ کرپشن کے دیوتاؤں کےخلاف ڈٹ کر میدان میں کھڑا ہے۔ انہوں نے کہا کہ پی ڈی ایم ٹولہ اب مارچ کے مہینے کو اپنے لانگ مارچ سے آلودہ کرنے کا خواہشمند ہے۔ بے حسی کا شکارپی ڈی ایم ٹولہ سُن لے کہ کئی مارچ آئینگے اور گزر جائینگے۔ فردوس عاشق اعوان نے کہا کہ مافیاز کی دھمکیاں اور رونا دھونا کسی کام نہ آئے گا۔ وزیراعظم عمران خان دو ہزار تئیس تک عوامی طاقت کےساتھ انکی ہر چال کو زیر کرتے ہوئے سرخرو ہونگے
