سال 2018 کے دوران جہاں عالمی مارکیٹ میں سونے کی قیمت میں 19 ڈالر فی اونس تک کی کمی دیکھی گئی وہی سونے کے مقامی خریداروں کو 10 گرام کی قیمت میں 9 ہزار 9سو 57 روپے اور فی تولہ قیمت میں 11 ہزار 600 روپے تک کے اضافہ دیکھا گیا۔30 دسمبر 2017 کو عالمی مارکیٹ کی ایک ہزار 303 ڈالر فی اونس قیمت کی بنیاد پر پاکستان میں ایک تولہ سونے کی قیمت 56 ہزار 200 جبکہ 10 گرام 48 ہزار 171 روپے تھی۔تاہم ایک سال بعد یہی قیمتیں 67 ہزار روپے فی تولہ اور 58 ہزار 128 روپے 10 گرام کی تھی جبکہ عالمی مارکیٹ میں قیمت ایک ہزار 2سو84 ڈالر فی اونس پر موجود تھی۔اس حوالے سے آل سندھ صرافہ جیولرز ایسوسی ایشن (اے ایس ایس جے اے) کے صدر حاجی ہارون رشید چاند نے بتایا کہ مقامی سطح پر سونے کی قیمتوں میں اتار چڑھاؤ کا رجحان عالمی مارکیٹ میں قیمتوں کی تبدیلی اور روپےـڈالر کی قیمتوں کی وجہ سے تھی۔یاد رہے کہ ماضی میں مختلف مواقع پر حیران کن طور پر اے ایس ایس جے اے عالمی مارکیٹ میں قیمتوں میں اضافے کے باوجود مقامی سطح پر سونے کی قیمت کم کردیا کرتی تھی۔ہارون رشید چاند کا کہنا تھا کہ شادی کے موسم کے باوجود رواں سال سونے کے زیورات کی فروخت میں کم ہے کیونکہ خوراک اور یوٹیلٹی بلز میں اضافے کے باعث صارفین کی قوت خرید کم دیکھی جارہی ہے۔سرمایہ کاری سے متعلق ایک سوال پر ان کا کہنا تھا کہ لوگوں اور سرمایہ کاروں نے اضافی نقد رقم کو سونے اور امریکی ڈالر میں تبدیل کردیا ہے۔

ساتویں کثیر القومی مشق ’’امن ‘‘ِ فروری میں منعقد ہوگی ، ترجمان پاک بحریہ