بدین میں انشورنس کمپنی کے لاکر سے چوری کی گئی 20لاکھ90ہزار روپےکی رقم پولیس نےقبرستان سے برآمد کر لی گئی۔ایس ایس پی کےمطابق چوکیدارنے ڈپلی کیٹ چابی بنوائی تھی ،پولیس نے تفتیش کی توسارےرازبتادیئے۔ایس ایس پی حسن سردار نیازی نے اپنے دفتر میں پریس کانفرنس کرتے ہوئے بتایا کہ اسٹیٹ لائف انشورنس کمپنی کے چوکیدار نے لاکر کی ڈبلی کیٹ چابی بنوائی تھی ،دودن قبل چالاک ملزم نے اسی چابی کی مدد سے20لاکھ 90ہزارروپے کی رقم چرائی اور قبرستان میں چھپادی ۔ایس ایس پی کے مطابق پولیس نے ابتدائی کارروائی میں چوکیدار کو گرفتار کرکے سی سی ٹی وی کیمرہ، کمپیوٹر ریکارڈ تحویل میں لیا تھا۔دوران تفتیش ملزم نے رقم چرا کر قبرستان میں دبانے کا اعتراف کیا جس کے بعد پولیس نے رقم برآمد کرلی گئی انہوں نے کہا کہ کارروائی میں حصہ لینے والی پولیس ٹیم کے لئے انعام اور ترقی کی سفارش کی ہے۔

کراچی :لاپتہ افراد کی بازیابی سے متعلق درخواستوں پر محکمہ داخلہ، آئی جی سندھ کو نوٹس جاری