میاں اسلم اقبال دوسری بار کورونا کا شکار
ترجمان صوبائی وزیر کے مطابق پنجاب کے وزیر صنعت و تجارت میاں اسلم اقبال نے کورونا رپورٹ مثبت آنے پر تمام سیاسی مصروفیات ترک کر دی ہیں۔ ان کا کہنا ہے کہ میاں اسلم اقبال نے خود کو گھر میں قرنطینہ کر لیا ہے۔ صوبائی وزیر نے طبیعت خرابی پر کورونا ٹیسٹ کرایا تھا جو مثبت آیا۔ صوبائی وزیر نے عوام سے اپنی صحت یابی کے لیے دعا کی درخواست کی ہے۔ یادرہے کہ صوبائی وزیر میاں اسلم اقبال گزشتہ برس بھی کورونا کا شکار ہو گئے تھے اور جب ان کی اہلیہ نے احتیاطاً کورونا ٹیسٹ کرایا تو ان میں بھی کورونا کی تصدیق ہوئی تھی۔ صوبائی وزیر میاں اسلم اقبال دوسری بار کورونا وائرس کا شکار ہوئے ہیں
