سپریم کورٹ کا فیصلہ قانون اور انصاف کے بنیادی تقاضوں کے منافی ہے۔خواجہ سعد رفیق
مسلم لیگ (ن) کے رہنما خواجہ سعد رفیق کا کہنا ہے کہ سپریم کورٹ کا فیصلہ قانون اور انصاف کے بنیادی تقاضوں کے منافی ہے۔ پنجاب اور خیبرپختونخوا انتخابات ازخود نوٹس پر سپریم کورٹ کے فیصلے کے بعد ن لیگی رہنما سعد رفیق نے سماجی رابطے کی ویب سائٹ ٹوئٹر پر اپنے ٹویٹ میں کہا کہ صوبائی انتخابات بارے سپریم کورٹ کا فیصلہ قانون اور انصاف کے بنیادی تقاضوں کے منافی ہے۔انہوں نے مزید کہا کہ معاشی، سیاسی اور آئینی بحران کی بنیاد نظریہ ضرورت اور پسند ناپسند کی بنیاد پر کیے گئے فیصلے ہیں، ممبران صوبائی اسمبلی کے ووٹ گنے بغیر انہیں ڈس کوالیفائی کرتے ہوئے آئین کی دستک سنائی دی نہ ریویو سنا گیا!۔ اپنے ایک اور ٹویٹ میں وزیر ریلوے اور ہوا بازی کا کہنا تھا کہ 2 صوبائی انتخابات پرانی مردم شماری پر اور قومی و 2 صوبائی انتخابات کروانے کا اقدام انتشار اور افراتفری پیداکرے گا؟ اقتدار میں واپسی کے لئے عمران اور اس کے سہولت کاروں کی جلد بازی اور ضِد ریاست کے لئے خطرہ بن گئی ہے۔
صوبائ انتخابات بارے سپریم کورٹ کا فیصلہ قانون اورانصاف کے بنیادی تقاضوں کے منافی ھے
معاشی سیاسی اورآئینی بحران کی بنیاد نظریۂِ ضرورت اورپسند ناپسند کی بنیاد پرکیے گئےفیصلے ھیں
ممبران صوبائ اسمبلی کے ووٹ گنے بغیرانھیں ڈس کوالیفائ کرتے ھوۓ آئین کی دستک سنای دی نہ ریویوسناگیا!
— Khawaja Saad Rafique (@KhSaad_Rafique) March 1, 2023
