مسلم لیگ (ن) کے صدر اور  قومی اسمبلی میں قائد حزب اختلاف  شہبازشریف نے کہا ہے کہ حکومت پیٹرول اور ڈیزل 50 روپے فی لیٹر کرکے یکم مئی پر مزدوروں کو تحفہ دے سکتی تھی۔مزدور ڈے پر جاری بیان میں   انہوں نے کہا کہ دنیا میں آج بھی مزدور کے استحصال کا سلسلہ جاری ہے ، اس سال یکم مئی کورونا کے وبال اور معاشی زوال کے دور میں آیا ہے،کورونا اور معاشی بربادی کا سب سے زیادہ بوجھ مزدور برداشت کررہے ہیں۔انہوں نے کہا کہ رمضان المبارک کے ماحول میں مزدور، محنت کش خصوصی توجہ کے مستحق ہیں لیکن دلی رنج ہے حکومت مزدور، دیہاڑی داروں کو ریلیف اور راشن نہیں پہنچاسکی، ہم نے نوازشریف نے مزدور کی کم ازکم اجرت بڑھائی، صحت اور تعلیم کے اقدامات کئے۔ا نہوں نے کہا کہ حکومت پیٹرول اور ڈیزل 50 روپے فی لیٹر کرکے یکم مئی پر مزدوروں کو تحفہ دے سکتی تھی، اس کے علاوہ حکومت بجلی  اور گیس کی قیمت میں 50 فیصد کمی کرکے محنت کشوں کو  ریلیف دے سکتی تھی

عالمی برادری کشمیر میں انسانی حقوق کی خلاف ورزیوں کا نوٹس لے: صدر مملکت