اسرائیلی حملوں میں ہونے والی شہادتوں کابدلہ لیں گے۔حزب اللہ کا اعلان
لبنانی مزاحمتی تنظیم حزب اللہ نے کہا ہے کہ جولائی میں اسرائیلی فوج کے حملے کے نتیجے میں شام کے دارالحکومت دمشق میں تنظیم کے ایک ،ایک کارکن کی شہادت کا بدلہ لیں گے ۔ حزب اللہ کے سیکرٹری جنرل حسن نصراللہ نے جلوس سے خطاب کرتے ہوئے کہا ہے کہ شام اور لبنان میں شہید ہونے والے ہمارے مجاہدین خا خون رائے گائوں نہیں جائے گا اور صہیونی دشمن سے خون کے ایک ایک قطرے کا بدلہ لیا جائے گا، حزب اللہ جولائی میں دمشق میں اپنے ایک کمانڈر کی اسرائیلی فوج کے ہاتھوںشہادت کا بدلہ لینے کی تیاری کررہی ہے۔ انہوںنے عرب امارات کے اسرائیل کے ساتھ دوستانہ تعلقات کے قیام کے اعلان کی شدید مذمت کی اور کہا کہ صہیونی ریاست سے اتحاد کرنے والے مسلمانوں کے دشمنوں کے ساتھی ہیں۔حسن نصراللہ کا کہنا تھا کہ ان کی جماعت ملک میں سیاسی اصلاحات کے لیے تیاری ہے۔ ان کا کہنا تھا کہ ہمیں صہیونی دشمن کی طرف سے دھمکیوںکی کوئی پرواہ نہیں۔ اسرائیلی وزیراعظم بنجمن نیتن یاھو، وزیر دفاع بینی گینٹز اور صہیونی آرمی چیف کوخاوی اپنے دھمکیوں سے ہمیں مرعوب نہیں کرسکتے۔ ا نہوں نے کہا کہ اسرائیلی دہشت گردی کے نتیجے میں ہونے والی شہادتوں پر خاموش نہیں رہ سکتے۔ اسرائیلی دشمن کو اپنے ایک ایک جرم کا حساب دینا ہوگا۔
