میرہزار خان بجارانی اور انکی اہلیہ کے قتل کا معاملہ،،، ڈی آئی جی ساؤتھ نے واقعہ کی پیش رفت پر پریس ریلیز جاری کردی،،، ڈی آئی جی ساؤتھ آزاد خان کے مطابق جمعرات کی دوپہر کو ڈھائی بجے درخشاں تھانے کو میر ہزار خان بجارانی اور ان کی اہلیہ کی لاشیں ملنے کی اطلاع موصول ہوئی، لاشیں خیابان جانباز میں واقع بنگلے کے پہلی منزل پر موجو دتھی، شواہد کے مطابق دونوں کی موت گولی لگنے سے ہوئی،،، میر ہزار خان بجارانی کو ایک گولی سر پر جبکہ ان کی اہلیہ فریحہ رزاق کو ایک گولی سر پر اور دو پیٹ میں لگی تھیں،،، ڈی آئی جی ساؤتھ کے مطابق فارنزک ٹیم نے فنگر پرنٹس اور دیگر تمام ثبوت اکھٹے کرلئے، جبکہ گھر میں موجود سی سی ٹی وی کیمرے کا ڈی وی آر قبضے میں لے لیا گیا،،، کمرے میں موجود خون کے نمونے بھی محفوظ کرلئے گئے،، جائے وقوعہ سے چار خول اور دو گولیاں ملیں، فائرنگ تیس بور پستول سے کی گئی تھی، انہوں نے دعویٰ کیا کہ
حاصل شواہد اور پوسٹ مارٹم رپورٹ کے مطابق میر ہزار خان بجارانی نے اپنی اہلیہ کو قتل کیا، اور خود کو گولی مار کر خودکشی کرلی، واقعہ کے بعد دو پولیس اہلکاروں سمیت چھ ملازمین سے بیانات لئے گئے، تمام ملازمین نے اپنے ابتدائی بیانات پولیس کو قلمبند کرادیئے،،، ملازمین کے مطابق دونوں میں کئی روزناچاقی چل رہی تھی، واقعہ کی ہر پہلووں سے تحقیقات جاری ہیں۔۔۔

موسم سرما میں معمول سے زیادہ بارشوں کی پیش گوئی