یہودی آباد کاروں کے فلسطینیوں کی گاڑیوں پر حملے
نابلس میں یہودی آباد کاروں نے مقبوضہ بیت المقدس اور غرب اردن میں کئی مقامات پر فلسطینی راہ گیروں اور فلسطینیوں کی گاڑیوں پر حملے میں متعدد فلسطینی زخمی بھی ہو گئے۔ غیرملکی خبررساں ادارے کے مطابق یہودی آباد کاروں کی بڑی تعداد نے غرب اردن کے شمالی شہر نابلس میں فلسطینیوں شہریوں کی گاڑیوں اور راہ گیروں پر سنگ باری کی۔نابلس میں فلسطینی سماجی کارکن غسان دغلس نے بتایا کہ یہودی آبادکاروں کے ایک گروپ نے نابلس اور قلقیلیہ روڈ پر فلسطینی شہریوں کی گاڑیوں اور پیدل چلنے والوں پر پتھرائو کیا۔سنگ باری کے واقعہ کے بعد اسرائیلی فوج نے علاقے کو گھیرے میں لے لیا اور فلسطینی شہریوں کو مظاہرہ کرنے سے روک دیا۔
