کوہاٹ میں خوفناک حادثہ،7 افراد جاں بحق
کوہاٹ کی تحصیل درہ آدم خیل میں انڈس ہائی پر وین اور چھوٹے ٹرک میں تصادم کے باعث 7 افراد جاں بحق ہوگئے۔ تفصیلات کے مطابق افسوس ناک حادثہ آدم خیل کے علاقے میں پیش آیا جہاں مزدہ ٹرک اوربولان کیری ڈبہ آپس میں ٹکرا گئے ، حادثے کے نتیجے میں بچوں اور خواتین سمیت 7 افراد جاں بحق ہوگئے جبکہ پانچ زخمی ہیں ۔ حادثے کی اطلاع ملتے ہی ریسکیوٹیم موقع پر پہنچ گئی، حادثہ اس قدر شدید تھا کہ ریسکیو اہلکاروں نے گاڑی کی باڈی کاٹ کر لاشوں کو باہر نکالا ۔ ریسکیو کی جانب سے لاشوں اور زخمیوں کو درہ آدم خیل ہسپتال منتقل کر دیا گیاہے ۔
