وزیر مملکت برائے انسداد منشیات شہریار خان آفریدی نے رانا ثناءاللہ کی گرفتاری کی تصدیق کرتے ہوئے کہا ہے کہ اے این ایف بلا تفریق فرائض سرانجام دیتی ہے۔ مسلم لیگ (ن) پنجاب کے صدر اور رکن قومی اسمبلی رانا ثناءاللہ کی گرفتاری پر وزیر مملکت برائے انسداد منشیات شہریار آفریدی نے وضاحتی بیان جاری کرتے ہوئے کہا کہ رانا ثناءاللہ کو اے این ایف نے گرفتار کیا ہے۔ اب رانا ثناءاللہ کو عدالت میں پیش کیا جائے گا جہاں انہوں نے خود کو بے گناہ ثابت کرنا ہے۔ جبکہ این ایف نے ثبوت پر ان کے خلاف اپنا کیس پیش کرنا ہے۔ وزیر مملکت نے کہا کہ وزیر اعظم کا ویژن ہے کہ کوئی وزیر ہو یا عام شہری، سب قانون کے سامنے برابر ہیں۔ کوئی قانون سے بالاتر نہیں، چاہے وہ حکومتی جماعت سے ہو یا اپوزیشن سے۔ سب کو اپنے اعمال کا جواب دینا ہوگا اور یہی نیا پاکستان ہے

خواتین ارکان پارلیمنٹ اپنے حلقے کے مسائل کیلئے موثر کردار ادا کر رہی ہیں۔عمران خان