جنرل ندیم رضا کا دورہ ایران، ایرانی صدر،وزیر دفاع،چیف آف جنرل سٹاف سے ملاقات
ڈی جی آئی ایس پی آر کے مطابق جنرل ندیم رضا کی ایرانی صدر سے ملاقات ہوئی ہے ملاقات میں علاقائی سیکیورٹی اور اسٹرٹیجک امور پر تفصیلی بات چیت کی گئی ملاقات میں سیکیورٹی اور دفاعی تعاون کو مزید وسعت دینے پر اتفاق کیا گیا، ڈی جی آئی ایس پی آر کے مطابق جنرل ندیم رضا کی ایرانی وزیردفاع اور چیف آف جنرل اسٹاف سے ملاقاتیں ہوئیں ،ان ملاقاتوں میں باہمی تعاون کو مزید وسعت دینے اور فوجی روابطے بڑھانے کی ضرورت پر زور دیا گیا ایرانی عسکری قیادت نے دہشت گردی کیخلاف جنگ میں مسلح افواج کی قربانیوں کو سراہا ملاقاتوں میں انٹرنیشنل بارڈر کو امن اور دوستی کی سرحد بنانے پر زور دیا گیا
