افغانستان:بارودی سرنگ دھماکا، اہم کمانڈر سمیت کالعدم ٹی ٹی پی کے 6دہشتگرد ہلاک ،15زخمی
افغانستان کے صوبے خوست میں کالعدم تحریک طالبان پاکستان (ٹی ٹی پی)کے 6 دہشت گرد ہلاک اور 15 شدید زخمی ہوگئے ۔۔غیرملکی خبررساں ادارے کے مطابق بارودی سرنگ دھماکے میں ہلاک ہونے والوں کی شناخت عبدالمنان، عالم خان مدا خیل، کجیر کے نام سے ہوئی جبکہ تین نا معلوم دہشت گرد ہیں جن کی شناخت کا عمل جاری ہے۔دھماکے میں زخمی ہونے والے دہشت گردوں میں کمانڈر فضل امین، کمانڈر محمد عرف طوفان، کمانڈر نور پایو خان، فقیر اللہ، تروزئی، ست کئی، علی سر خان، زبیر، ہجرت اللہ ،کمال،شیر افضل، بخت اللہ، زبیح اللہ اور 2 نامعلوم دہشت گرد شامل ہیں۔ذرائع کا کہنا ہے کہ دھماکے میں اہم کمانڈرز کی ہلاکت کے بعد ٹی ٹی پی کی لیڈر شپ میں شدید مایوسی اور اختلافات کی لہر دو ڑ گئی ہے اور ٹی ٹی پی کے حلقوں میں یہ بات ہو رہی ہے کہ پاکستانی وفد کی افغانستان آمد کے بعد سے ٹی ٹی پی کے لئے مسائل میں اضافہ ہوا ہے۔علاوہ ازیں ٹی ٹی پی کے نچلے درجے کے دہشت گردوں میں سینئر لیڈر شپ کے متعلق شکوک و شبہات مزید بڑھ گئے۔
