نوازشریف کا قصور یہ ہے کہ انہوں نے اوپر والوں سے آرڈر لینے سے انکار کیا۔ اس بار لوٹوں کی دال نہیں گلنے والی۔ رہنما مسلم لیگ ن مریم نواز
صادق آباد میں جلسے سے خطاب کرتے ہوئے مریم نواز کا کہنا تھا کہ خواجہ آصف کو نااہل کیا گیا تو ان کی آمد پر پورا شہر امڈ آیا کیونکہ خواجہ آصف وفادار آدمی ہیں اور انہوں نے نوازشریف سے وفا نبھائی ہے۔ان کا کہنا تھا کہ اس بار لوٹوں کی دال نہیں گلنے والی۔ پارٹی چھوڑ کر جانے والوں کا الیکشن میں وہ انجام ہوگا کہ آئندہ لوگ پارٹی چھوڑنے سے پہلے دس بار سوچیں گے۔مریم نواز کا کہنا تھا نوازشریف کا قصور یہ ہے کہ انہوں نے اوپروالوں سےآرڈر لینے سےانکار کردیا۔ کیا بلوچستان کی حکومت نوازشریف نے ختم کی تھی اور زرداری، عمران گٹھ جوڑ بھی نوازشریف نے کرایا تھا۔ ان کا کہنا تھا کہ جہانگیرترین کی کرپشن ثابت ہونے پر نیب نہیں جاگا۔رہنما مسلم لیگ ن کا کہنا تھا کہ عوام عام انتخابات میں مہروں کو عبرت کا نشان بنا دیں اور سازش کرنے والوں کو ووٹ کی پرچی سے جواب دیں۔
