پاکستان تحریک انصاف کے وائس چیئرمین شاہ محمود قریشی نے کہا ہے کہ شہباز شریف نے مذاکرات کو سبوتاژ کرنے کی کوشش کی ۔ اسلام آباد میں میڈیا سے گفتگو کرتے ہوئے شاہ محمود قریشی نے کہا کہ آئین پر حملہ ہو رہا ہے، ایک ٹولا آئین پر چلنے سے انکار کر رہا ہے، اگر آئین نہیں ہے فیڈریشن بکھر جائے گی، لچک تو ہم دکھا رہے ہیں۔انہوں نے کہا کہ بلاول کی تقریر بچگانہ تھی، وہ ججز کو دھمکیاں دے رہے تھے، یہ عدلیہ کو دباؤ میں لانے کی کوشش کر رہے ہیں۔ انہوں نے کہا کہ یہ سب کچھ کیوں ہو رہا ہے تاکہ انتخابات نہ ہوں، ناامیدی کے باوجود نیک نیتی سے مذاکرات کی میز پر بیٹھوں گا۔سابق وفاقی وزیر نے کہا کہ شہباز شریف آج حکومت میں بیٹھے ہیں تو اسی عدلیہ کے فیصلے پر نہیں آئے ان کا ایجنڈا ذاتی ہے اور ہمارا قومی ہے۔ا نہوںنے کہا کہ انہوں نے ایک سال میں بجٹ اور معیشت کا بیڑا غرق کر دیا، یہ سیاسی بجٹ دیں گے جس میں آنے والی حکومت کے لیے بارودی سرنگیں ہوں گی، آئی ایم ایف آج بھی ان پر اعتماد نہیں کر رہا۔

گھی اور تیل کی قیمتوں میں کمی ریکارڈ