بانی پی ٹی آئی اورشیر افضل مروت کی دھاندلی کیس کے خلاف درخواستیں سماعت کیلئے منظور

سپریم کورٹ نے ممبرقومی اسمبلی شیر افضل مروت اور بانی پی ٹی آئی کی دھاندلی کے خلاف درخواستیں سماعت کیلئے منظور کر لیں۔عدالت نے درخواستوں پر رجسٹرار آفس کے اعتراضات ختم کر دیے اور رجسٹرار آفس کو درخواستوں کو نمبر لگانے کا حکم دے دیا۔ سپریم کورٹ نے کہا کہ آئندہ سماعت پر وکلا تیاری کرکے پیش ہو ں۔ جسٹس امین الدین خان کی سربراہی میں پانچ رکنی بنچ نے اعتراضات ختم کرنے کی استدعا منظور کرکے سماعت غیر معینہ مدت تک ملتوی کر دی۔