عالمی مارکیٹ میں سونے کی فی اونس قیمت میں چار ڈالر اضافے کے باوجود پاکستان میں فی تولہ سونے کی قیمت میں مزید تین سو روپے کمی ہوگئی۔
پاکستان سمیت دنیا بھر میں سونے کی قیمت میں گزشتہ کئی روز سے نمایاں کمی دیکھی جارہی ہے اورعالمی گولڈ مارکیٹ میں سونے کی فی اونس قیمت چار ڈالربڑھ کرسولہ سو چھبیس ڈالر ہوگئی۔عالمی مارکیٹ میں سونےکی قیمت میںاضافے کے باوجود پاکستان میں فی تولہ سونا تین سوروپے کم ہو کر پچپن ہزار ایک سو روپےاور دس گرام سونے کے دام دو سو ستاون روپے کمی کے بعد سینتالیس ہزار دو سو اٹھائیس روپے ہوگئے ہیں۔