دفترخارجہ نے افغان وزیرخارجہ کا بیان مسترکرتے ہوئے کہا ہے کہ برہان الدین ربانی پاکستان کے بہترین دوست تھے۔
ترجمان دفتر خارجہ تہمینہ جنجوعہ کے مطابق افغانستان کے سابق صدر برہان الدین ربانی کو پاکستان میں قدر کی نگاہ سے دیکھا جاتا تھا اور وہ پاکستان کے بہترین دوست تھے۔ انہوں نے برہان الدین ربانی کی ہلاکت پر افغانستان کے وزیر خارجہ کی جانب سے پاکستان سے متعلق دیئے گئے بیان کو بے بنیاد قرار دیا، ترجمان کا کہنا تھا کہ اس حوالے سے سفارتخانے کو فراہم کیئے جانے والا بیان افغان شہری کا اعترافی بیان ہے اور سابق افغان صدر کے قتل میں آئی ایس آئی کے ملوث ہونے کا حقیقت سے کوئی تعلق نہ ہے۔