ترجمان پی ڈی ایم اے کے مطابق تمام بڑے دریاوں کے بالائی علاقوں میں 6 ستمبر تک موسلا دھار بارشیں متوقع ہے۔ ترجمان کے مطابق دریائے ستلج میں نچلے درجے کا سیلاب ہے تاہم پانی کے بہاﺅ میں مسلسل کمی آرہی ہے، گنڈا سنگھ والا، ہیڈ سلیمانکی اور ہیڈ اسلام کے مقامات پر نچلے درجے کا سیلاب ہے۔ گنڈا سنگھ والا کے مقام پر پانی کا بہاﺅ 50 ہزار 508کیوسک ہے، ہیڈ سلیمانکی کے مقام پر پانی کی آمد 67ہزار 110 اور اخراج 53 ہزار188 کیوسک ہے جبکہ ہیڈ اسلام کے مقام پر پانی کا بہاﺅ 72ہزار 316کیوسک ہے۔ ترجمان کا کہنا ہے کہ پنجاب کے دیگر دریاں میں پانی کا بہاﺅ نارمل ہے جبکہ سیلاب سے متاثرہ علاقوں میں امدادی سرگرمیاں جاری ہیں۔

حکومت آشوبِ چشم میں مبتلا اور اندھا بہرا گونگا نظام ہے، سراج الحق