پاکستان نے الطاف حسین کی نفرت انگیز تقاریر کا معاملہ برطانوی حکومت کیساتھ اٹھانے کا اعلان کر دیا، وزیرداخلہ چوہدری نثار کہتے ہیں کہ قانونی مسودے کی تیاری شروع کر دی گئی ہے
اسلام آباد میں پریس کانفرنس کرتے ہوئے وزیرداخلہ چوہدری نثار علی خان کا کہنا تھا کہ بہت سےمعاملات میں ایم کیو ایم کو ریلیف دیاگیا، تاہم الطاف حستین کی تقریر نے اب تمام حدیں پار کر دیں، الطاف حسین نے اپنی تقریر میں ریاست کو نشانہ بنایا ، الطاف حسین کی تقریر کا مقصد اداروں کی تضحیک کرنا تھا، اہم اداروں کے سربراہان کو دھمکیاں دی گئیں ،پاکستان کی سیکیورٹی فورسز کے حوالے سے غلط زبان استعمال کی گئی ، کسی قومی ادارے کی تضحیک کی اجازت نہیں دے سکتے۔ انہوں نے کہا کہ الطاف حسین نے فوج پر سنگین الزامات لگائے، جو زبان استعمال کی گئی وہ دشمنوں کی زبان ہے، پاکستان کے دشمن ملک کو کہا گیا کہ آپ دخل کیوں نہیں دیتے ، نیٹو افواج کو کارروائی کرنے کا کہا گیا، الطاف حسین کی نفرت انگیزتقریروں کا معاملہ برطانیہ کے سامنے رکھاجائیگا،آیندہ چنددنوں میں برطانوی حکومت اورمیٹروپولیٹن پولیس کوقانونی ریفرنس دینگے، قانونی کارروائی کے لیے مسودے کی تیاری شروع کردی ہے، انہوں نے کہا کہ الطاف حسین کو اصل خطرہ برطانیہ میں مقدمات سے ہے، دو کیسز میں ان کیخلاف گھیرا تنگ ہو رہا ہے، الطاف حسین کیخلاف منی لانڈرنگ کا کیس رینجرز نے نہیں بنایا ، منی لانڈرنگ اور عمران فاروق قتل کیس میں پاکستان برطانیہ سے تعاون جاری رکھے گا، عمران فاروق کے قاتلوں کیخلاف کارروائی الطاف حسین کا ہی مطالبہ تھا، انہوں نے کہا کہ کوئی محب وطن دوسرےملک کی مداخلت کا سوچ بھی نہیں سکتا، کراچی کو مزید بہتری کی طرف لےکر جائیں گے ،کراچی آپریشن جاری رہے گا،گرفتاریاں صرف متحدہ کی نہیں بلکہ دیگر جماعتوں کی بھی ہوئیں، تاہم ان کے علاوہ کسی نے باضابطہ احتجاج نہیں کیا