پیپلزپارٹی کے رہنما خورشید شاہ نے کہا ہے کہ عمران خان کو سلیکٹ کرنے والوں کو جلد احساس ہو جائے گا کتنی بڑی غلطی کر بیٹھے،سونامی سے ہر طرف تباہی آ رہی ہے، پہلے معیشت تباہ کی، اب قومی ورثے تباہ کر رہے ہیں، کیا بچگانہ سوچ ہے کہ دیوار گرا کر جنگلے لگائیں گے، سوچے سمجھے بغیر کیے جانے والے حکومتی فیصلوں سے خوف آ رہا ہے، دیواریں گرانے جیسے نمائشی اقدامات محض سستی شہرت ہیں۔گورنر ہاﺅس کی دیوار گرانے پر پیپلزپارٹی کے رہنما خورشید شاہ نے سخت ردعمل کا اظہار کرتے ہوئے کہا ہے کہ عمران خان حکومت کی سونامی سے ہر طرف تباہی آ رہی ہے، پہلے معیشت تباہ کی، اب قومی ورثے تباہ کر رہے ہیں، کیا بچگانہ سوچ ہے کہ دیوار گرا کر جنگلے لگائیں گے، سوچے سمجھے بغیر کیے جانے والے حکومتی فیصلوں سے خوف آ رہا ہے۔خورشید شاہ نے کہا کہ تاریخی عمارتیں گرائی نہیں، محفوظ کی جاتی ہیں، اپنے کہے پر عمل کرنا ہوتا تو 100 دنوں میں وزیراعظم ہاﺅس میں تعلیمی ادارہ ہوتا، یہ اپنے اعلانات کا مان رکھتے، وزیراعظم ہاس اور گورنر ہاس میں رہائش ہی نہ رکھتے۔ انہوں نے کہا کہ دیواریں گرانے جیسے نمائشی اقدامات محض سستی شہرت ہیں، عمران خان کو احساس ہی نہیں کہ حکمرانی کتنی بڑی ذمہ داری ہے تاہم سلیکٹ کرنے والوں کو جلد احساس ہو جائے گا کتنی بڑی غلطی کر بیٹھے، عمران خان گرتی معیشت کو سنبھالیں، ورنہ ان کی حکومت نہیں سنبھلے گی۔رہنما پیپلزپارٹی خورشید شاہ کا کہنا تھا کہ ملکی معیشت کے بعد اب قومی ورثے کو بھی تباہ کرنے کا آغاز کردیا گیا، گورنر ہاس لاہور کی دیواریں منہدم کرکے قومی ورثے کی تباہی کا آغاز کیا گیا۔ انہوں نے کہا کہ تحریک انصاف کی حکومت دنیا کی واحد حکومت ہے جو عالمی روایات کے برعکس عمل کررہی ہے، گورنر ہاس کی دیواریں گراکر عوام کی حمایت حاصل کرنے کی ناکام کوشش کی جارہی ہے۔

 سرگودھا:2 کاریں آپس میں ٹکرانے سے2افراد جاں بحق ،4زخمی