حکومت نے شہباز شریف اور خواجہ آصف کے سوا کسی بھی اپوزیشن رکن کو چیئرمین پی اے سی لگانے کا عندیہ دے دیا۔ وزیراعظم عمران خان کا کہنا ہے کہ وہ پارلیمنٹ کو مزید مضبوط بنائیں گے اور اجلاسوں میں پہلے سے زیادہ شرکت کریں گے۔وزیراعظم عمران خان کے زیر صدارت مشاورتی اجلاس ہوا جس میں سپیکر، ڈپٹی سپیکر قومی اسمبلی، وزیر دفاع، وزیر پارلیمانی امور سمیت دیگر شریک ہوئے۔ذرائع کے مطابق اجلاس میں فیصلہ کیا گیا کہ حکومت ایک بار پھر اپوزیشن سے مذاکرت کرے گی اوراپوزیشن کو چیئرمین پبلک اکاؤنٹس کمیٹی ( پی اے سی ) اور دیگر قائمہ کمیٹیوں پر قائل کرنے کی کوشش کرے گی۔ذرائع کا کہنا تھا کہ حکومت نے چیئرمین پبلک اکاؤنٹس کمیٹی ( پی اے سی ) اپوزیشن سے لینے کا عندیہ دیا ہے، تاہم شہباز شریف اور خواجہ آصف کے علاوہ کسی اور نام کو قبول کیا جائے گا، اس سلسلے میں اپوزیشنسے فوری مذاکرات کئے جائیں گے۔ذرائع کے مطابق وزیراعظم عمران خان نے پارلیمنٹ کو مزید مضبوط بنانے کا عزم کا اظہار کرتے ہوئے کہا کہ وہ اب پارلیمان کے اجلاسوں میں پہلے سے زیادہ شرکت کریں گے۔

چین سے آئے جیانگ سو پولیس افسران کے وفد نے پنجاب سیف سٹیز اتھارٹی کا دوہ کیا