پنجاب فوڈ اتھارٹی کی نومبر2018میں کاروائیوں کی جائزہ رپورٹ،34ہزار 580فوڈ پوائنٹس کی چیکنگ
پنجاب فوڈ اتھارٹی نے ماہ نومبر میں صوبہ بھر کے صحت دشمن عناصر کیخلاف کارروائیوں کی رپورٹ جاری کر دی ہے۔ ۔تفصیلات کے مطابق ملاوٹ مافیا، ناقص اشیاء فروخت کرنے والوں کے خلاف ہر گزرتے دنپنجاب فوڈ اتھارٹی گھیرا مزید تنگ کرنے لگی ہے۔ پنجاب فوڈ اتھارٹی نے ماہ نومبر میں صحت دشمن عناصر کیخلاف کی جانے والی کارروائیوں کی رپورٹ جاری کر دی۔ ڈی جی فوڈ اتھارٹی نے تفصیلات سے آگاہ کرتا ہوئے بتایا کہ صوبہ بھر میں کارائیاں کرتے ہوئے فوڈ سیفٹی ٹیموں نے ماہ نومبر میں کل 34ہزار 580فوڈپوائنٹس کی چیکنگ کی۔ پنجاب فوڈ اتھارٹی کے وضع کردہ قوانین کی خلاف ورزی پر 663فوڈ پوائنٹس کو سیل کیا گیاجبکہ ملاوٹ اور جعل سازی جیسے سنگین جرائم کے مرتکب 24فوڈ آپریڑز پر مقدمات بھی درج کروائے گئے۔صحت دشمن عناصر کے خلاف گھیرا تنگ کرتے ہوئے قانون شکنی کرنے پر 13افراد کو موقع سے گرفتار کیا گیا۔غیر معیاری انتظامات پر 2ہزار 230فوڈ پوائنٹس کو بھاری جرمانے عائد کیے گئے۔علاوہ ازیں مزید بہتری کے لیے 22 ہزار 482فوڈ بزنس آپریڑزکو وارننگ نوٹس جاری کیے گئے جن پر عمل نہ کرنے کی صورت میں سخت قانونی کاروائی عمل میں لائی جائے گی۔ڈی جی فوڈ اتھارٹی کا کہناتھا کہ پنجاب فوڈ اتھارٹیکی ٹیمیں معیاری خوراک کی یقینی فراہمی کے لیے دن رات کاروائیاں جاری رکھے ہوئے ہے۔کیپٹن (ر)محمد عثمان نے واضح کیا کہ عوام تک پہچنے والی خوراک کے معیار پر کسی قسم کا سمجوتہ نہیں کیا جائے گا۔
