پنجاب میں ریکارڈ قانون سازی ہوئی، فردوس عاشق
وزیراعلیٰ پنجاب کی معاون خصوصی برائے اطلاعات فردوس عاشق اعوان نے کہا ہے کہ وزیراعلیٰ پنجاب عثمان بزدار کی زیرقیادت پنجاب میں ریکارڈ قانون سازی ہوئی ، جدید قوانین ملکی ترقی میں معاون ثابت ہوں گے۔انہوں نے سماجی رابطے کی ویب سائٹ ٹوئٹر پر لکھا کہ پنجاب اسمبلی سے 68 بلز منظور کروائے جس کی ماضی میں کوئی مثال نہیں ملتی، منظور ہونے والے قوانین کرپشن کے خاتمے اور ملکی ترقی میں معاون ثابت ہوں گے۔ انہوں نے کہا کہ دہائیوں سے رائج قوانین کی تجدید کے ساتھ ساتھ خواتین، بچوں اور معاشرے کے کمزور طبقات کا تحفظ قانون سازی کا محور ہے۔انہوں نے کہا کہ لٹیروں سے لوٹا پیسہ واپس لینے، کرپشن کے خاتمے اور عوامی فلاح و بہبود کے لیے بنائے گئے جدید قوانین ملکی ترقی میں معاون ثابت ہوں گے۔
