وزیر پیٹرولیم مصدق ملک نے کہا ہے کہ امید ہے اپریل تک روس سے تیل کی فراہمی شروع ہوجائے گی، روس نے ہمیں دیگر مقابلے سے بھی زیادہ سستا تیل دینے کی یقین دہانی کرائی ہے۔ سینیٹ کے اجلاس میں بیان دیتے ہوئے وزیر مملکت پیٹرولیم ڈاکٹر مصدق ملک نے کہا کہ روس کے ساتھ سستے تیل کی خریداری کے لیے مذاکرات 45 دنوں میں مکمل کیے، مذاکرات کے بعد دونوں ممالک کے درمیان ابتدائی معاہدہ طے پاچکا ہے۔ مصدق ملک نے کہا کہ دونوں ممالک کے درمیان تمام کمرشل تفصیلات مارچ سے پہلے طے پا جائیں گی، روس نے پاکستان کو دوسروں ملکوں سے بھی زیادہ سستا تیل فراہم کرنے کی یقین دہانی کرائی ہے، امید ہے کہ اپریل تک روسی تیل ملنا شروع ہو جائے گا۔ انہوں نے مزید کہا کہ عالمی پابندیوں کے باعث ایران سے براہ راست تیل اور گیس نہیں خرید سکتے، ایران ہمسایہ ملک ہے جس کے ساتھ بارٹر ٹریڈ کو فروغ دیں گے۔

سونا اچانک ہزاروں روپے مہنگا