وزیرداخلہ شیخ رشیداحمدنے کہاہے کہ حزب اختلاف کی جماعتوں کااتحاداسمبلیوں سے استعفے نہیں دے گا اورآئندہ سینیٹ اورضمنی انتخابات میں حصہ لے گا۔ ایک نجی نیوزچینل سے گفتگو کرتے ہوئے انہوں نے امیدظاہر کی کہ پاکستان تحریک انصاف آئندہ سینیٹ انتخابات میں زیادہ نشستیں حاصل کرے گی۔ شیخ رشیداحمدنے کہاکہ وزیراعظم عمران خان اپنے اصولوں پرسمجھوتہ نہیں کریں گے کیونکہ ان کی حکومت لٹیروں اورمفروروں کے بلاامتیازاحتساب کامینڈیٹ لیکربرسراقتدارآئی۔ انہوں نے کہاکہ سیاست میں خوش اسلوبی کے ساتھ مسائل کے حل کے لئے مذاکرات کے دروازے ہمیشہ کھلے رہتے ہیں اورحکومت حزب اختلاف کے ساتھ این آراوکے سواتمام قومی معاملات پرپارلیمنٹ میں مذاکرات کے لئے تیارہے۔

سرکار طاقت کی بجائے عقل استعمال کرنے کی کوشش کرے افاقہ ہوگا۔ اسد عمر