سابق وزیراعظم و پاکستان تحریک انصاف کے چیئرمین عمران خان نے کہا ہے کہ کوئی کسی ابہام کاشکار نہ ہو، وزیراعلیٰ پنجاب پرویز الٰہی اعتماد کا ووٹ لیں گے۔عمران خان کی زیرصدارت پی ٹی آئی پنجاب کی سینیئرقیادت کا اجلاس ہوا جس میں وزیراعلیٰ پنجاب کے اعتماد کے ووٹ کیلئے تمام امور کو جلد حتمی شکل دینے کا فیصلہ کیا گیا۔ارکان اسمبلی سے رابطوں کیلئے ریجنل تنظیموں کو ذمہ داری دے دی گئی ہے۔ اجلاس میں فیصلہ کیا گیا کہ ارکان اسمبلی کا ہوم ورک مکمل ہوتے ہی اعتماد کا ووٹ لیا جائے گا۔