خیبر پختون خوا کے ضلع مالاکنڈ میں بارش کے باعث بوسیدہ مکان کی چھت گرنے سے خاتون اور بچی جاں بحق اور ایک خاتون زخمی ہو گئی۔مالاکنڈ کے علاقے بٹ خیلہ میں شبیر نامی شخص کے بوسیدہ مکان کی چھت اچانک گر گئی جس کے نتیجے میں 2 خواتین اور ایک بچی ملبے تلے دب گئیں۔ملبے سے خاتون اور بچی کی لاشیں اور ایک خاتون کو شدید زخمی حالت میں نکال لیا گیا۔مقامی افراد اور ریسکیو اہلکاروں نے لاشوں اور زخمی خاتون کو مقامی اسپتال منتقل کر دیا ہے، پولیس معاملے کی تحقیقات کر رہی ہے