سابق وزیر داخلہ شیخ رشید نے کہا ہے کہ 90 دن بعد الیکشن کی تاریخ دیں،عمران خان کو میں راضی کرونگا، الیکشن میں نفرت کا نشان ن لیگ ہوگی، جوتے پالش کرنے والوں کیلئے قوم تیار نہیں۔ انہوں نے کہا کہ 90 دن میں الیکشن کی تاریخ کا فیصلہ کیا جائے، نوازشریف کی شکل دیکھنے کیلئے بھی تیار نہیں ہوں، گلی محلے میں لڑائیاں ہو رہی ہیں، جو خوفناک ہے، نوازشریف نےفوج کوگالیاں دیں ،ان پرتھوکنےکیلئےبھی تیارنہیں۔ شیخ رشید نے کہا ہے کہ سیاست ہاتھوں سے نکلتی جارہی ہے، لانگ مارچ میں عمران خان کے ساتھ ہوں، جیل ہمارا سسرال ہے، موت محبوبہ اور ہتھکڑی زیور ہے، سیاست میں عمران خان کے ساتھ عالمی سازش ہوئی۔سابق وزیر داخلہ نے کہا ہے کہ 30 مئی تک حل نکالیں،آپس میں نفرتوں کو کم کریں، خوف ہے اسلام آباد لانگ مارچ خونی ہوگا، تمام پارٹیوں سے اپیل ہے الیکشن کی تاریخ میں آئیں۔انہوں نے کہا کہ جس ملک کا وزیرداخلہ منشیات فروش ہو وہاں امن ہوگا؟ یہ حالات کہیں اورلے جانا چاہتے ہیں، ہمارا مطالبہ صرف الیکشن ہے، اداروں کو کہنا چاہتا ہوں کہ وہ بیچ بچاؤ کیلئے آگے آئیں، ایسا نہ ہو کہ حالات عمران خان کے ہاتھ سے بھی نکل جائیں۔شیخ رشید نے کہا ہے کہ جو چہرے لوگ نہیں دیکھنا چاہتے ان کو اقتدار میں لایاگیا، آصف زرداری چاہتے تھے پنجاب میں جھگڑا ہو، راناثنااللہ نے مختلف شہروں میں مقدمات بنائے، ایسا نہ ہو حالات ایسے ہوں کہ دوسری طرف جانا پڑے۔سابق وزیر داخلہ نے کہا ہے کہ میرا بھتیجا لاپتا ہے، نہ بتاتے ہیں کہ وہ کہاں ہے، لانگ مارچ خونی ہوسکتا ہے،حالات خراب ہوسکتے ہیں، غیرملکی سازش کے تحت فوج کےخلاف مہم چلائی جارہی ہے۔انہوں نے کہا کہ گلی محلے میں لڑائی شروع ہوچکی ہے، بعض لوگ لانگ مارچ میں اپنے آپ کو آگ لگانا چاہتے ہیں، رانا ثناء اللہ صاحب بتائیں کس شہر میں آکر میں گرفتاری دوں، مجھے خوف ہے میرے شہر کی فضا گھمبیر ہے۔شیخ رشید نے کہا ہے کہ ثابت ہوگیا ان چہروں سے لوگ نفرت کرتے ہیں، جو واقعہ ہوا وہ روضہ رسولﷺ سے باہر ہوا۔

عوام میں اسلحہ لے کر جانا امریکیوں کا بنیادی حق ہے۔ سپریم کورٹ