پاکستان کی کابل میں دہشتگرد حملوں کی شدید مذمت‘پاکستان ہرقسم کی دہشت گردی کی مذمت کا اعادہ کرتا ہے۔ دفتر خارجہ
پاکستان نے کابل میں دہشت گرد حملوں کی شدید مذمت کرتے ہوئے متاثرہ خاندانوں سے دلی ہمدردی اور تعزیت کا اظہار کیا۔تفصیلات کے مطابق پاکستانی دفتر خارجہ کی جانب سے بیان میں کہا گیا ہے کہ کابل میں سردارداو¿دخان اسپتال کےنزدیک حملے قابل مذمت ہیں ، حملوں میں قیمتی جانوں کاضیاع ہوا،بڑی تعدادمیں لوگ زخمی ہوئے۔ترجمان کا کہنا تھا کہ ہم متاثرہ خاندانوں سے دلی ہمدردی اورتعزیت کرتے ہیں، جن کے پیارے دہشت گردی کےاس بہیمانہ واقعے کا شکارہوئے اور ہم زخمیوں سے بھی ہمدردی کا اظہار کرتے ہوئے ان کی جلد صحت یابی کی دعا کرتے ہیں۔دفترخارجہ نے مزید کہا کہ پاکستان ہرقسم کی دہشت گردی کی مذمت کا اعادہ کرتا ہے۔یاد رہے کابل میں واقع ملک کے سب سے بڑے فوجی اسپتال سردار محمد خان داو¿د ملٹری اسپتال کے مرکزی دروازے پر یکے بعد دیگرے 2 بم دھماکوں کے نتیجے میں طالبان کی بدری فورس 313 کے سربراہ سمیت 25 جاں بحق ہوئے تھے۔.بعد ازاں افغان طالبان کے ترجمان ذبیح اللہ مجاہد نے تصدیق کرتے ہوئے کہا تھا کہ سردار داو¿دخان اسپتال پر داعش نےحملہ کیا، جس میں خواتین بچوں سمیت7 افرادجاں بحق جبکہ 5 زخمی ہوئے جبکہ جوابی کارروائی میں داعش کے پانچ حملہ ا?ور بھی مارے گئے۔