دہشت گردآسان اہداف حاصل کررہے ہیں.مگر بہت جلد ان کا صفایا کردینگے:نوازشریف
یصل آباد:وزیراعظم نوازشریف نے کہا ہے کہ دہشت گرد آسان اہداف حاصل کررہے ہیں. مگر بہت جلد ان کا صفایا کردینگے .دہشت گردی کیخلاف جنگ میں ہم اپنے شہداءکو خراج تحسین پیش کرتے ہیں .کراچی کے حالات بہتر ہورہے ہیں. کراچی اپنا کھویا ہوا مقام اور روشنیاں جلد دوبارہ حاصل کرلے گا.پاکستان کی ترقی کی منزلیں طے کررہا ہے، پی آئی اے اور ریلوے سمیت قومی ادارے ترقی کی راہ پر گامزن ہوچکے ہیں.اندھیرے میں ملک ترقی نہیں کرسکتا، پاکستان کو اندھیروں کی طرف دھکیلنے والی حکومتوں سے جواب مانگا جائے.(ن)لیگ حکومت نے مختصر عرصے میں بجلی بحران پر قابو کافی حد تک قابو پالیا ہے.2017ءمیں بجلی بحران کم جبکہ 2018ءمیں اس کا مکمل خاتمہ ہوجائیگا۔وزیراعظم نے فیصل آباد میں نجی شعبے میں کوئلے سے چلنے والے 40میگا واٹ کے بجلی گھر کی افتتاحی تقریب سے خطاب کرتے ہوئے کہا کہ پاکستان کی ترقی کی منزلیں طے کررہا ہے اور کوئلے سے چلنے والا بجلی گھر 40میگاواٹ بجلی پیدا کرے گا .پلانٹ دیکھ مجھے بڑی خوشی ہوئی ہے ، دو اڑھائی سال پہلے لوگ بجلی کو ترستے اور ملک میں بارہ بارہ گھنٹے لوڈ شیڈنگ ہوتی تھی. لیکن آج ملک میں لوڈ شیڈنگ کی صورتحال بہتر ہے . ملک کے صنعتی شعبوں کو بلاتعطل بجلی اور گیس فراہم کی جارہی ہے ۔ انہوں نے کہاکہ کوئی تصور بھی نہیں کرسکتا تھا کہ بجلی میں اتنا بڑا فرق ہو گا. ہم نے مختصر عرصے میں بجلی بحران پر قابو کافی حد تک قابو پالیا ہے اور2017ءمیں بجلی بحران کم جبکہ 2018ءمیں لوڈ شیڈنگ کے خاتمے کا سال ہو گا . انہوں نے کہاکہ ہمارا مقصد صرف بجلی کی قلت کو ختم کرنا ہی نہیں بلکہ بجلی کی قیمتوں کو کم کرنا بھی ہے تاکہ ملک میں مصنوعات سستی ہوں اور ریونیو بڑھے ۔انہوں نے کہاکہ جب ملک میں ریونیو بڑھے گا تو ملک میں صحت اور انفراسٹرکچر بڑھے گا ۔انہوں نے کہا کہ اندھیرے میں ملک ترقی نہیں کرسکتا. ملک کو اندھیروں کی طرف دھکیلنے والی حکومت سے جواب مانگا جائے کہ انہوں نے ملک سے لوڈ شیڈنگ کے خاتمے کے لئے کیوں کوئی اقدام نہیں اٹھایا ۔انہوں نے کہاکہ 1999ءمیں جہاں موٹروے چھوڑی تھی وہیں کی وہیں رکی تھی. لیکن آج ہم نے لاہور سے ملتان اور ملتان سے سکھر اور کراچی سے حیدر آباد موٹروے شروع کردی ہے. مجھے اس بات پر فخر ہے کہ بہت جلد کراچی سے پشاور تک موٹروے ہوں گے. ہم نے ہزارہ موٹروے پر کام شروع کردیا ہے جو اگلے سال مکمل ہو جائیگا. شور کورٹ سے خانیوال تک موٹروے بنائیں گے ۔وزیراعظم نے کہا کہ موٹروے ہوں گی تو کاشتکار اپنے اجناس منڈیوں تک پہنچا سکیں گے اور ہم کھیت سے منڈیوں تک سڑکوں کا مربوط نظام بنا رہے ہیں ۔انہوں نے کہاکہ 1999ءمیں وسطی ایشیاءمیں پاکستان آگے تھا لیکن ماضی کی حکومت نے اسے پیچھے دھکیل دیا. سیاسی عدم استحکام اور پالیسیوں کم عدم تسلسل پاکستان کو لے بیٹھامگر ہم نے آج پھر ملک کو ترقی کی راہ پر گامزن کردیا ہے ، ملک کی کرنسی پہلے سے کہیں زیادہ مستحکم ہے ۔انہوں نے کہاکہ بلوچستان کے کونے کونے میں موٹروے اور ہائی ویز بن رہی ہیں . بجلی کے کارخانہ ایک جگہ نہیں درجنوں جگہ لگائے جارہے ہیں ۔انہوں نے کہاکہ ریلوے کافی بہتر ہو گیا ہے اور مجھے خوشی ہے کہ تھر میں کوئلے سے بجلی بن رہی ہے اور ہم اپنے ملک کا کوئلہ استعمال کررہے ہیں ، افسوس اس بات کا ہے کہ پاکستان کو بنے ستر سال ہو گئے. لیکن اس کا کوئلہ استعمال نہیں ہورہا تھا .ایل این جی ، سولر اور کول بیس ہےں۔انہوں نے کہاکہ بجلی کی اووربلنگ روکنے کے لئے موبائل مانیٹرنگ شروع کردی ہے .جس سے لوگوں کی اوور بلنگ پر نظر رکھی جائے گی اور ان کی شکایات کو دور کیا جائے گا۔وزیراعظم نے کہاکہ خسارے کے شکار قومی اداروں کو ان کے پاﺅں پر کھڑا کررہے ہیں .جس کا پی آئی اے اور ریلوے منہ بولتا ثبوت ہے ، پی آئی اے کو دنیا کی بہترین آئرلائن بنائیں گے اور پریمیئر سروس اسی کی ایک کڑی ہے ۔انہوں نے کہاکہ پی آئی اے کے نئے جہاں فیصل آباد سے بھی اڑا کریں گے. یورپ ، کینیڈا، امریکہ اور دیگر ممالک جائیں گے ۔انہوں نے کہاکہ کراچی کے حالات بہتر ہورہے ہیں اور وقت آنے والا ہے کہ کراچی اپنا کھویا ہوا مقام اور روشنیاں دوبارہ حاصل کرلے گا. دہشت گردی کیخلاف جنگ میں ہم اپنے شہداءکو خراج تحسین پیش کرتے ہیں اور ہم بہت جلد ملک سے دہشت گردی کا خاتمہ کردیں گے ۔مردان دھماکے سے متعلق انہوں نے کہاکہ خدا شہید ہونیوالوں کو جنت میں جگہ دے اور ان کے گھروالوں کو صبر جمیل عطاءفرمائے۔انہوں نے کہا کہ دہشت گرد آسان اہداف حاصل کررہے ہیں ۔وزیراعظم نے کہاکہ عام آدمی کا معیار زندگی بلند کرنا چاہتا ہوں .اسی سلسلے میں بہت جلد ایک پروگرام شروع کیا جائے گا جس میں صاف پانی کی فراہمی اور علاج معالجے کی سہولیات میسر ہوں گی ۔انہوں نے کہاکہ ہم پورے ملک میں 40بڑے ہسپتال بنائیں گے جس سے عوام کو صحت کی معیاری سہولیات فراہم ہوگی ۔قبل ازیں وزیر اعظم نواز شریف نے ستارہ کیمیکل انڈسٹری فیصل آباد میں کول پاور کے ذریعے تیار ہونے والی 40 میگاواٹ بجلی کے پاور پلانٹ کا افتتاح کردیا ۔ وزیر اعظم وفاقی وزیر پانی و بجلی خواجہ محمد آصف کے ہمراہ فیصل آباد پہنچے جہاں انہوں نے 40 میگاواٹ بجلی کے پاور پلانٹ کا افتتاح کیا ۔تقریب میں گورنر پنجاب رفیق رجوانہ ، وفاقی وزراءخرم دستگیر ، احسن اقبال ، ڈپٹی گورنر سٹیٹ بنک ، وزیر دفاع خواجہ آصف ، وزیر مملکت عابد شیر علی کے علاوہ صوبائی وزراء، صنعتکاروں اور تاجروں کی بھاری تعداد نے شرکت کی ۔ ملک کے معروف نعت خواہ پروفیسر عبدالرﺅف روفی نے کلام پاک کی تلاوت کی ۔ ستارہ کمییکل انڈسٹری کے چیئرمین اور آل پاکستان کے چیمبر و آف کامرس کے سابق صدر میاں محمد ادریس نے کول پاور پلانٹ کے منصوبے پر تفصیلی بریفنگ بھی دی .انہوں نے بتایا کہ یہ منصوبہ سوا دو سال میں مکمل ہوا ہے جس میں ساڑھے تین ارب روپے خرچ ہوئے ۔ اس پلانٹ پر 98 چینی انجیئرز نے حصہ لیا ۔ جن کے تمام اخراجات اور ان کی سکیورٹی کا بندوبست ادارے نے کیا ۔اس موقع پر وزیر اعظم نے وزیر پانی و بجلی خواجہ آصف اور وزیر مملکت عابد شیر علی کی کاوشوں کو سر اہا۔ وزیر اعظم نے کہا کہ ان کے مشاہدہ میں یہ بات ہے کہ محکمہ واپڈا کا عملہ غلط بجلی کی ریڈنگ لے کر عام صارفین کو ایک ہزار روپے کی بجلی استعمال کرنے والا بل بعض مرتبہ لاکھوں روپے میں بجھوا دیتا ہے. پھر اس بل کو درست کرانے کے لئے اور متوسط طبقہ کے لوگوں کو واپڈا کے دفاتر چکر لگانے پڑتے ہیں جو کہ سراسر غلط اور عوام کے ساتھ زیادتی ہے،وزیر اعظم نے کہا کہ ملک بھر میں بجلی کی میٹرریڈنگ کے لئے بل میں جو تصویر والا نظام رائج کیا ہے اس کے مثبت نتائج سامنے آئے ہیں .وزیر اعظم نے ہدایت کی کہ واپڈا فیسکو اور جیسکو میں صارفین کے لئے ان کیمرہ ریڈنگ کادائرہ کار ملک بھرمیں بڑھایا جائے. تاکہ کسی بھی صارفین کو بجلی کے زائد بل وصول ہونے کی شکایت پیدا نہ ہو سکے ۔
