پاک وطن پارٹی (پی ایس پی ) کے سربراہ مصطفی کمال نے کہا ہے کہ کراچی کو اس کے حقوق دیئے جائیں، نچلی سطح تک اختیارات منتقل ہونے تک مسائل حل نہیں ہوں گے۔ انہوں نے احتساب عدالت کے باہر میڈیا سے گفتگو کرتے ہوئے کہا کہ سنا ہے وزیراعظم کراچی آرہے ہیں، کراچی آج کل پورے پاکستان کی نظروں میں ہے، وزیراعظم کراچی کیلئے صرف پیکج کا اعلان نہ کریں، پیکج سے کراچی کے زخموں پر مرہم نہیں رکھا جاسکتا، سب کے مل بیٹھنے سے امید ہے کراچی کے مسائل کا حل نکلے گا۔انہوں نے کہا کہ کراچی کو 18ٹائونز اور ایک ڈسٹرکٹ میں دوبارہ بحال کیا جائے، کراچی کو اس کے حقوق دیئے جائیں، بلدیاتی حکومتوں کو اختیارات اور فنڈز دیئے جائیں، این ایف سی کے سارے پیسے وزیراعلیٰ لے کر بیٹھ جاتے ہیں، فنڈز نچلی سطح تک نہیں پہنچائے جاتے۔ انہوں نے کہا کہ گجر نالے کے دونوں اطراف سروس روڈ بنالیں اس پر کوئی قبضہ نہیں کرے گا،جبکہ یہ سروس روڈ نالوں کی صفائی کے لیے استعمال ہوگا۔

سابق چیف جسٹس ثاقب نثار کی ایک اور مبینہ آڈیو سامنے آگئی۔