نائیجریا ،مسجد میں فائرنگ ،7نمازی شہید ،متعدد زخمی
نائیجریا کی شمال مغربی ریاست کدونا کی مسجد میں فائرنگ سے 7 نمازی شہید اور متعدد زخمی ہو گئے۔ غیر ملکی خبر رساں ادارے کے مطابق ریاست کدونا کے دور دراز کے گائوں کی مسجد میں نامعلوم افراد نے اس وقت فائرنگ کی جب بڑی تعداد میں نمازی عبادت میں مصروف تھے۔ فائرنگ سے زخمی ہونے والے 10 سے زائد نمازیوں کو قریبی ہسپتا ل منتقل کردیا گیا، جن میں سے بعض کی حالت تشویشناک بتائی گئی ۔کدونا پولیس کے ترجمان منصور ہارونہ نے بتایا کہ حملہ آوروں کی تلاش جاری ہے تاحال کسی شدت پسند جماعت نے حملے کی ذمہ داری قبول نہیں کی۔
