چیئرمین تحریک انصاف عمران خان سے ایرانی سفیر مہدی ہنر دوست کی ملاقات
پاکستان میں ایران کے سفیر مہدی ہنر دوست کی بنی گالہ میں چیئرمین پاکستان تحریک انصاف سے ملاقات کی، ایرانی سفیر نے انتخابات میں کامیابی پر ایرانی صدر کی جانب سے مبارکباد کا پیغام پہنچایا، اس موقع پر وائس چیئرمین شاہ محمود قریشی، شیریں مزاری اور نعیم الحق بھی موجود تھے، ایرانی سفیر کا کہنا تھا کہ ایران علاقائی تعاون اور ترقی کے ایجنڈے میں پاکستان کے ساتھ اشتراک کیلئے ہمہ وقت تیار ہے، ایران پاکستان کے ساتھ تجارت بڑھانے کا بھی خواہاں ہے،، مہدی ہنر دوست کا کہنا تھا کہ ایران پاکستان گیس پائپ لائن منصوبے سے پاکستان کا مستقبل بدل سکتا ہے،ایرانی صدر کی جانب سے تہنیتی پیغام پہنچانے اور مبارکباد دینے پر چیئرمین تحریک انصاف نے ایرانی سفیر کا شکریہ ادا کیا، عمران خان نے اس موقع پر کہا کہ پاکستان ایران سمیت تمام ہمسایہ ممالک کے ساتھ تجارت کا خواہاں ہے، پاکستانی معیشت کو اپنے پاؤں پر کھڑا کرنا ہمارا اہم ترین ہدف ہے، عمران خان کا کہنا تھا کہ ایران اور سعودی عرب کے مابین تعمیری اور مثبت کردار ادا کرنے کو تیار ہیں، عمران خان نے ایران کا دورہ کرنے اور تاریخی مقامات کی زیارت کی خواہش بھی ظاہر کی
