بنوں: تھانہ ہوید کی عمارت کے قریب خود کش حملے میں انسپکٹر سمیت چار اہلکار اور ایک خاتون زخمی۔
پولیس کے مطابق بنوں میں خودکش حملہ آور نے بارود سے بھری گاڑی تھانہ ہوید کے پچھلے حصے سے ٹکرادی جس کے نتیجے میں زوردار دھماکہ ہوا۔ خود کش حملے میں انسپکٹر گل نواز سمیت چار پولیس اہلکار اور ایک خاتون زخمی ہوگئی ۔ پانچوں زخمیوں کو ڈسٹرکٹ ہیڈ کوارٹر اسپتال میں طبی امداد دی جارہی ہے۔ حملے میں تھانے کی عمارت کو بھی جزوی طور پر نقصان پہنچا جبکہ قریبی گھروں کے شیشے ٹوٹ گئے۔ دھماکے سے جائے وقوعہ پر چار فٹ گہرا گڑھا پڑگیا جبکہ فائرنگ کی آوازیں بھی سنی گئیں۔ پولیس کی بھاری نفری نے علاقے کا محاصرہ کرکے تحقیقات شروع کردی ہیں۔
