وزیر اعلی پنجاب  مریم نواز  کا بڑا کارنامہ : پنجاب کی تاریخ کا سب سے بڑی صفائی کا پروگرام شروع

وزیر اعلیٰ پنجاب مریم نواز شریف نے پاکستان کے سب سے بڑا”ستھرا پنجاب“ لانچ کردیا۔ جس میں ایک لاکھ نئے ملازمین  رکھے جائیں گے، یورپ کی طرز پر پنجاب کی سڑکوں کی صفائی ہوگی اور تین ماہ میں زیرو ویسٹ پنجاب کا ہدف بھی مقرر کر دیا گیا۔ وزیر اعلیٰ مریم نواز شریف نے ستھراپنجاب لانچ کی تقریب سے خطاب کرتے ہوئے عزم کا اظہار کیا کہ تین ماہ میں زیر ویسٹ پنجاب کا ٹارگٹ پورا کریں گے۔ وزیر اعلیٰ مریم نوازشریف نے کہا کہ پہلی دفعہ شہروں اور دیہات کی یکساں صفائی کا پروگرام لائے ہیں۔ صوبے بھر میں ستھرا پنجاب پروگرام کے آغاز پر خدا کا شکرادا کرتے ہیں۔نوازشریف ستھرا پنجاب پروگرام کے آغاز کا سن کربہت خوش ہوئے۔ محمد نوازشریف نے شہروں اور دیہات کے یکساں صفائی کے پروگرام کو سراہا۔ ہر شہر اور گاؤں میں گھر گھر جاکر کوڑا اٹھایا جائے گا۔ انہوں نے کہا کہ گھر کی طرح اپنی گلی محلے کو بھی صاف رکھنا بھی ہمار فرض ہے۔ ہر کوئی گلی محلہ صاف رکھے گا تو چمکتا دمکتا پنجاب ملے گا۔ چند ہفتوں میں ایک لاکھ افراد کو روزگار ملے گا۔سڑکوں، گلیوں کو دھوکر چمکایا جائے گا۔وزیر اعلیٰ مریم نوازشریف نے کہا کہ سینٹری اور ویسٹ مینجمنٹ سے متعلق انڈسٹری کو فروغ ملے گا۔مری کو کئی سال بعد صاف ستھرا دیکھ کر خوشی ہوئی۔ مری میں صفائی کے لئے ہرطرح کی مشینیں موجود ہیں۔پنجاب بھر میں صفائی اور کوڑا کرکٹ اٹھانے کیلئے 21ہزار جدید ترین مشینیں اور 80ہزارسے زائد آلات مہیا کررہے ہیں۔عوام کی زندگی میں بہتری لانے کیلئے دن رات محنت کررہی ہوں۔صفائی نصف ایمان ہے، صفائی کرنے والے چھوٹے نہیں بڑے لوگ ہوتے ہیں۔ انہوں نے کہا کہ جس طرح بیٹیاں گھر کو صاف رکھتی ہیں اس طرح ایک بیٹی پنجاب کو صاف رکھے گی۔صفائی کرنے والوں کو کم ازکم اجرت کے معاہدے کے تحت معاوضہ ملے گا۔ کوڑا دائیں بائیں پھینکنے کی بجائے باقاعدہ ڈیمپنگ سائٹ بنارہے ہیں۔  پنجاب میں کسان کارڈ سے 26ارب روپے خرچ کرچکے ہیں۔ ملک اونچی اڑان  کی طرف گامزن ہے ہر آنے والے دن میں بہتری آئے گی۔ ان شا ء اللہ پاکستان کو اس کے شایان شان بلند مقام ملے گا۔اللہ کا شکر ہے کہ ایک ایک لمحہ عوام کی بھلائی کے لئے صرف ہوتا ہے۔ صوبائی وزیر بلدیات ذیشان رفیق نے خطاب میں ستھرا پنجاب کی تفصیلات بیان کیں اور بتایا کہ60ہزار ٹن ویسٹ روزانہ پیدا ہوتا ہے، صرف بیس ہزار اٹھایا جاتا  تھا۔لاہور میں اب کہیں کوڑا کرکٹ نظر نہیں آئے گا۔ کوڑا کرکٹ کی نشاندہی کے بعد چند گھنٹے میں کلیر کرنا ہوگا ورنہ متعلقہ کمپنی کو جرمانہ ہو گا۔تقریب میں سپیکر پنجاب اسمبلی،صوبائی وزرا، ارکان اسمبلی، سرکاری افسران اور دیگر نے شرکت کی۔ اب دیکھنا یہ ہے کہ کیا مریم نواز  شہباز شریف کا صاف سھترا پنجاب کا خواب پورا کر سکیں گی اور پنجاب میں اپنی پارٹی کو دوبارہ لوگوں کے دلوں میں اپنا پرانہ مقام دلوا سکیں گی۔۔؟