عاصمہ رانی قتل کیس میں گرفتار ملزم شاہ زیب کے بھائی حسن زیب نے والد کے ہمراہ کوہاٹ پریس کلب میں نیوز کانفرنس کرتے ہوئے کہاہے کہ شاہ زیب کو پولیس کے ساتھ تعاون کے لئے ڈی پی او آفس بلایا گیا۔جہاں روک لیاگیا۔اگلے روز پتہ چلا کہ شاہ زیب کونامعلوم مقام سےگرفتار کیا گیا ہے جس میں کوئی صداقت نہیں, ملزم شاہ زیب کے بھائی حسن زیب کا کہنا ہے کہ پولیس ملزم صادق اللہ کی نشاندہی پر برآمد ہونے والا موٹر سائیکل بھی ان کے گھر لے آئی اور پھر اس کی تصاویر لینے لگی جس پر ان کے ساتھ ہاتھا پائی بھی ہوئی,حسن زیب کا کہناہے کہ پولیس اپنی نااہلی چھپانے کے لئے ڈرامے رچا رہی ہے۔انہوں نے متعلقہ حکام سے پولیس کے روئے کا نوٹس لینے کا مطالبہ بھی کیا۔