کراچی : محکمہ موسمیات کا کہنا ہے کہ کراچی میں پیر سے سرد ہواؤں کانیا سلسلہ داخل ہوگا اور 6جنوری کی رات اور 7جنوری کی صبح ہلکی بارش کاامکان ہے۔ تفصیلات کے مطابق محکمہ موسمیات نے کراچی والوں کو خبردار کیا ہے کہ پیر سے شہر میں سرد ہواؤں کا نیا سلسلہ شروع ہونے کا امکان ہے، مغربی ہواؤں کا سلسلہ ایران کے راستے بلوچستان میں داخل ہوگا ، جو 6سے 9 جنوری تک برقرار رہے گا جبکہ شہر میں 6جنوری کی رات اور 7جنوری کی صبح ہلکی بارش کاامکان ہے۔ محکمہ موسمیات کے مطابق کراچی میں 24 گھنٹےکے دوران موسم خشک اوررات سرد رہنےکاامکان ہے ، آج کم سے کم درجہ حرارت 10.9 ڈگری سینٹی گریڈ ریکارڈ کیا گیا اور زیادہ سے زیادہ درجہ حرارت 26 ڈگری تک جا سکتا ہے۔ دوسری جانب ملک بھرمیں سردموسم شدید سےشدید ترہو گیا،شمالی علاقہ جات میں سخت سردی کی لہر برقرار ہے، ہر سو برف ہی برف،سفید چادراوڑھے درختوں کا حسن مزید نکھرگیا ہے۔

آرمی چیف جنرل قمرجاوید باجوہ کا آئی ایس آئی ہیڈکوارٹرزکا دورہ، قومی سلامتی کیلئے آئی ایس آئی کی کاوشوں کو سراہا،پیشہ ورانہ تیاریوں پر اعتماد کا اظہار