کراچی : محکمہ موسمیات نے شہر قائد میں سردی کی لہر برقرار رہنے کا امکان ظاہر کردیا، آج کم سے کم درجہ حرارت 7.5 ڈگری ریکارڈ کیا گیا۔ تفصیلات کے مطابق شہر قائد میں تاحال سردی کی شدت برقرار ہے، محکمہ موسمیات کا کہنا ہے کہ شہر اور مضافات میں چلنے والی سرد ہواؤں کی رفتار 11 کلومیٹر فی گھنٹہ ریکارڈ کیا گیا۔ محکمہ موسمیات کی جانب سے کہا گیا تھا کہ آج موسم سرد اور خشک رہے گا جبکہ آج زیادہ سے زیادہ درجہ حرارت 21 سے 23 ڈگری تک جانے کا امکان ہے۔