چین پاکستان اقتصادی راہداری کے چیئرمین ریٹائرڈ لیفٹیننٹ جنرل عاصم سلیم باجوہ نے کہا ہے کہ چین کے سفیر نے سی پیک کی پیش رفت اور رفتار پر مکمل اعتماد کا اعادہ کیا ہے۔ انہوں نے ایک ٹویٹ میں کہا کہ چین کے سفیر نے مستقبل کے منصوبے کے بارے میں ایک اجلاس میں یقین دہانی کرائی کہ ان کی حکومت راہداری کو نجی شعبے تک توسیع دینے کیلئے مکمل طور پر تیار ہے۔ سفیر نے کہا کہ رواں مالی سال کے دوران براہ راست غیر ملکی سرمایہ کاری کو پاکستان لانا ان کی توجہ کا مرکز ہو گا۔