پاکستان تحریک انصاف کا آج دیر بالا میں پاور شو، تیاریاں مکمل
پاکستان تحریک انصاف آج دیر بالا میں پاور شو کرے گی، جلسے کیلئے ٹیکنیکل کالج واڑی میں اسٹیج سجایا گیا ہے اور کرسیاں بھی لگا دی گئی ہیں۔ پارٹی ذرائع کے مطابق دیر بالا جلسے سے پاکستان تحریک انصاف کے چئیرمین عمران خان اور وزیر اعلی خیبر پختونخواہ کے علاوہ دیگر پارٹی رہنما خطاب کرینگے، دیر بالاجلسہ میں عمران خان اپنےاگلے لائحہ عمل کا اعلان کرینگے۔ ذرائع کا مزید کہنا ہے کہ دیر بالا جلسے کے لئے سکیورٹی کے خصوصی انتظامات کئے گئے ہیں، جلسہ گاہ کے اندر اور باہر پولیس اور لیویز فورس کے اہلکار تعینات کر دیئے گئے ہیں۔
