شہباز شریف کی نیب میں آج پھر طلبی
:آمدن سے زائد اثاثہ جات کیس اور منی لانڈرنگ کے معاملہ پر قومی احتساب بیورو(نیب) نے قومی اسمبلی میں اپوزیشن لیڈر شہباز شریف کو آج پھر طلب کر لیا۔ قومی احتساب بیورو(نیب) کی جانب سے قومی اسمبلی میں اپوزیشن لیڈر اور مسلم لیگ ن کے صدر شہباز شریف کو مطلوبہ دستاویزات کے ساتھ 12 بجے پیش ہونے کی ہدایت کی گئی ہے۔شہباز شریف کو آمدن سے زائد اثاثہ جات کیس اور منی لانڈرنگ کے معاملہ پر طلب کیا گیا ہے اور نیب کی جانب سے اس کیس میں انہیں تیسری مرتبہ طلبی کا نوٹس جاری کیا گیا ہے۔ یاد رہے کہ شہباز شریف دونوں مرتبہ ملک میں ہونے کے باوجود نیب پیش نہیں ہوئے تھے اورانہوں نے اپنے نمائندے کے ذریعے نیب کو مطلوبہ دستاویزات جمع کرائی تھیں تاہم حکام کا کہنا ہے کہ نیب شہباز شریف کی جانب سے بھیجے گئے جواب سے مطمئن نہیں،قانون کے مطابق بذات خود پیش ہوں اور قومی ادارے کو مطلوبہ معلومات فراہم کریں او ر شہباز شریف اپنے خلاف جاری تحقیقات میں قومی ادارے کیساتھ تعاون کریں۔
